"მანჩესტერ იუნაიტედის" მცველის ნემანია ვიდიჩის აგენტმა, დაადასტურა, რომ მისი კლიენტით ნამდვილად არის დაინტერესებული "ინტერი".
"ამ წუთისათვის "ინტერისაგან" შემოთავაზება არ ყოფილა, ისინი მხოლოდ და მხოლოდ დაინტერესებულები არიან სერბი მცველით." - განაცხადა ვიდიჩის აგენტმა. მანამდე კი გავრცელდა, ინფორმაცია, რომ "ინტერის" წარმომადგენლები ინგლისში გაფრინდნენ და უახლოეს მომავალში ყველა ფორმალობა მოგვარდებოდა, სერბი მცველის "ინტერში" გადასვლასთან დაკავშირებით.
შეგახსენებთ, რომ "იუნაიტედის" კაპიტნით რამდენიმე იტალიური კლუბი ინტერესდება. სერბს კონტრაქტი მიმდინარე წლის ზაფხულში ეწურება და ის კლუბს სავარაუდოდ თავისუფალი აგენტის სტატუსით დატოვებს.