ოთხშაბათს, „მანჩესტერ იუნაიტედის“ ვინგერს ადნან იანუზაის ორი მიზეზი ჰქონდა ზეიმისთვის. ის გუშინ 19 წლის გახდა და ამასთან ერთად, „იუნაიტედის“ იანვრის საუკეთესო ფეხბურთელის ჯილდო მიიღო.
5 თებერვალი მართლაც მნიშვნელოვანი თარიღია საფეხბურთო სამყაროსთვის. ადნანის გარდა, ამ დღეს დაიბადნენ კრიშტიანო რონალდო, ნეიმარი, კარლოს ტევესი. იანუზაიმ საღამოთი „თვითერზე“ ტორტის ფოტო დადო, რომელიც თანაგუნდელებმა აჩუქეს.
იანუზაიმ ჯილდოს აღების შემდეგ ფანებს მადლობა გადაუხადა. “მინდა ფანებს, თანაგუნდელებს და სამწვრთნელო შტაბს მადლობა გადავუხადო. გამიხარდა ამ ჯილდოს აღება და იმედი მაქვს ეს ბოლო არ იქნება.“ ადნანს ჰკითხეს, თუ ესმის თამაშისას ჩანტი, რომელსაც გულშემატკივრები უმღერიან. “რა თქმა უნდა მესმის და ეს ძალიან მომწონს, რადგან მოტივაციას მმატებს.“