„იუნაიტედის“ ნახევარმცველი დარენ ფლეტჩერი მიიჩნევს, რომ გუნდს აქვს უნარი გააგრძელოს ბრძოლა და პრემიერ ლიგის ოთხეულში შევიდეს. „ახლა ყველაფერი მონდომებაზეა დამოკიდებული. გუნდი უკვე ჩამოწერეს, ყველას მიეცა სალაპარაკო თემა ჩვენი სიტუაციიდან გამომდინარე. ახლა კი დროა მოთამაშეებმა დავუმტკიცოთ ხალხს, რომ ისინი ცდებიან. “იუნაიტედი“ მსოფლიოს უდიდესი კლუბია და როგორც კი არასასურველ მდგომარეობაში აღმოვჩნდებით, ეს მსოფლიოს აღსასრულს ემსგავსება. განცდილი მარცხებით დიდ გამოცდილებას ვიღებთ და ხანდახან ასეთი მომენტებიცაა საჭირო საბოლოოდ წარმატების მისაღწევად. ხალხისთვის იმის დამტკიცება, რომ ცდებიან, ყოველთვის მნიშვნელოვანია. ვფიქრობ, ეს მიზანი „საწვავად“ უნდა გამოიყენო, რომ წარმატებას მიაღწიო. გუნდს აქვს იმის უნარი, რომ ოთხეულში შევიდეს, ჩვენ მხოლოდ ბრძოლა უნდა გავაგრძელოთ. ამის გარდა, ჩვენ ჯერ კიდევ ვართ ჩემპიონთა ლიგაზე. მიმდინარე სეზონის ფორმა კი ფანტასტიკურია. გასახდელში მე ვხედავ გუნდის მონდომებას, ვხედავ როგორ განიცდიან ფეხბურთელები მარცხს. დარწმუნებული ვარ, რომ დავბრუნდებით და კიდევ მივაღწევთ წარმატებებს და ეს შორეულ მომავალში არ მოხდება.“ - დაასრულა ფლეტჩერმა.