როგორ გადაიქცა 18 წლის ბელგიაში დაბადებული ფეხბურთელი მსოფლიოს ერთ-ერთ ყველაზე პერსპექტიული ახალგაზრდად.
ადნან იანუზაიმ შესანიშნავი საჩუქარი მიიღო მე-19 დაბადების დღეზე გულშემატკივრებისგან, ის არჩეულ იქნა იანვრის თვის საუკეთესო ფეხბურთელად, რაც არა მხოლოდ მისი ახლანდელი ფორმის, არმედ მთელი წლის განმავლობაში განცდილი პროგრესის დამსახურებაა.
ქვემოთ გთავაზობთ მისი გასული წლის მოკლე მიმოხილვას, თუ როგორ გადაიქცა 18 წლის ბელგიაში დაბადებული ფეხბურთელი მსოფლიოს ერთ-ერთ ყველაზე პერსპექტიული ახალგაზრდად.
თებერვალი (2013): მან გაიტანა პირველი გოლი "იუნაიტედის" U21-ის შემადგენლობაში "საუზჰემპტონის" წინააღმდეგ, მაშინ ის ჯერ კიდევ 17 წლის იყო. მომავალ რვა დღეში კი ის ორჯერ ახერხებს მეტოქეთა კარის დალაშქვას. პირველად მან "ოლდჰემს" გაუტანა, სადაც მისმა გუნდმა 7-0 იმარჯვა, ხოლო მეორედ "არსენალის" ახალგაზრდულ კლუბს წაართვა სამი ქულა.
მარტი: მიუხედავად იმისა, რომ ის ჯერ კიდევ 18 წლის ფეხბურთელი იყო, ის ხდება U21-ის გუნდის რეგულარული წევრი და ითვისებს რამდენიმე როლს: ცენტრალური ფორვარდი, ვინგერი და ფლეიმეიქერი. მისი შესანიშნავი ფორმა არ დარჩენილა შეუმჩნეველი. "ადნანი ძალიან დაბალანსებულია"- განაცხადა სერ ალექსმა. " ის მხოლოდ 18 წლისაა და ჯერ კიდევ ბევრი რამ აქვს სასწავლი, თუმცა ის ძალიან სწრაფი და ტექნიკური ფეხბურთელია."
აპრილი: იანუზაი ამტკიცებს, რომ მას შეუძლია დიდი წვლილი შეიტანოს უირენ ჯოისის გუნდის სატიტულო ბრძოლაში და ახალგაზრდა "წითლებს" აწინაურებს ცხრილში. თვის ბოლოს კი ის იღებს 44 ნომერს პირველ გუნდში.
მაისი: ექვსი დღის განმავლობაში ის ხდება რეზერვის საუკეთესო ფეხბურთელი, პირველად ხვდება "იუნაიტედის" განაცხადში "ვესტ ბრომვიჩის" წინააღმდეგ, შემდეგ კი ახალგაზრდულ გუნდთან ერთად ზეიმობს U21 "პრემიერ ლიგის" მოგებას. ის ჯერ კიდევ ვერ ახერხებს ძირთად გუნდში დებიუტს, თუმცა ყველას უჩვენებს თავის უსაზრვრო შესაძლებლობებს.
ივლისი: "წითლების" ახალი ბოსის დევიდ მოიესის თავკაცობით, ის ხვდება 19 კაციან შემადგენლობაში და მონაწილეობას იღებს 2013 წლის წინა-სასეზონო ტურის მატჩებში. მან მოახერხა 6 მატჩში ჩატარება, აქედან სამჯერ თამაში პირველივე წუთებიდან დაიწყო. ასევე მან გაიტანა პირველი გოლი პროფესიონალურ კარიერაში "კიტჩის" წინააღმდეგ.
აგვისტო: წინა-სასეზონო ტურნეზე შესანიშნავი თამაშის წყალობით, ის პირველად ატარებს ოფიციალურ მატჩს "იუნაიტედის" შემადგენლობაში "ქომუნითი შილდზე", სადაც ეუფლება კარიერის პირველ ტიტულს პროფესიონალურ კარიერაში.
სექტემბერი: რთული კალენდრის გამო იანუზაი ხშირად ვერ ხვდებოდა მოიესის გუნდის შემადგენლობაში, თუმცა თვის მეორე ნახევარში ის სათადარიგოდან შესანიშნავად შემოვიდა "კრისტალ პალასის", "ლივერპულისა" და "ვესტ ბრომვიჩის" წინააღმდეგ.
ოქტომბერი: ყველასთვის მოულოდნელად იანუზაი ხვდება ძირითად შემადგენლობაში "სანდერლენდის" წინააღმდეგ, სადაც მისი ორი გოლის წყალობით გუნდი იღებს ძალიან მნიშვნელოვან სამ ქულას. ადნანი ხდება მატჩის საუკეთესო ფეხბურთელი. მოგვაინებით კი თვის საუკეთესო ფეხბურთელის პრიზსაც იღებს, ხოლო მისი მეორე გოლი "სანდერლენდთან" ხდება თვის საუკეთესო გოლი. ბოლოს კი ის ხელს აწერს 5 წლიან კონტრაქტს "იუნაიტედთან". რის შემდეგაც ის აცხადებს, რომ მისთვის დიდი პატივია ამ გუნდში თამაში და აპირებს კარიერის ბოლომდე "იუნაიტედის" ერთგული დარჩეს.
ნოემბერი: ის მოხვდა "ჩემპიონთა ლიგის" განაცხადის "B სიაში' (სადაც მხოლოდ აკადემიის ფეხბურთელები არიან). მან ვერ მოახერხა ბასკეთში, "სოსიედადის' წინააღმდეგ თამაში, თუმცა შესანიშნავად იასპარეზა "პრემიერ ლიგაში" "ფულემის" წინააღმდეგ, სადაც მან საგოლე გადაცემა გაუკეთა რობინ ვან პერსის.
დეკემბერი: იანუზაი ხვდება BBC-ის წლის საუკეთესო ახალგაზრდა სპორტსმენთა 10 კაციან სიაში. ასევე ის კიდევ ერთხელ ახერხებს გოლის გატანს "პრემიერ ლიგაში" "ვესტ ჰემის" წინააღმდეგ, სადაც "წითლებმა" მეტოქე 3-1 დაამარცხეს.
იანვარი (2014): მიუხედავად მისი გუნდის წარუმატებელი ასპარეზობისა, იანუზაი არის ერთადერთი ნათელი წერტილი გუნდში და ხმების 75%-ით ის მეორედ ხდება თვის საუკეთესო ფეხბურთელი.
წყარო:
ManUtd.com