სევილიას ხორვატ ნახევარმცველს,ივან რაკიტიჩს კიდევ ერთი მსურველი გამოუჩნდა. ზამთრის სატრანსფერო ფანჯრის დროს, ამ უკანასკნელის შეძენით "მანჩესტერ იუნაიტედი" იყო დაინტერესებული, მაგრამ რამდენიმე მიზეზის გამო ეს ტრანსფერი არ შედგა. ახლა კი 25 წლის ნახევარმცველს კიდევ ერთი მსურველი კატალონიის ბარსელონა გამოუჩნდა.

ესპანური გამომცემლობა Mundo Deportivo-ს განცხადებით,კატალონიური კლუბი სერიოზულადაა დაინტერესებული ხორვატი ნახევარმცველით, მეტიც ეს უკანასკნელი მზადაა რაკიტიჩში €25 მილიონი გადაიხადოს, როგორც კი სეზონი დამთავრდება.

დიდი ალბათობით, სევილია რაკიტიჩს €25 მილიონად შეელევა, რადგან კლუბისთვის ეს ფასი მისაღებია.მაგრამ აქვე ჩნდება ერთი პრობლემა, თუკი "იუნაიტედი" ამ ფეხბურთელის ყიდვას მოისურვებს, მაშინ "ბარსელონას" ცოტა ბრძოლა მოუწევს ამ ტრანსფერისთვის.

წყარო:Givemesport