როგორც მოგეხსენებათ ადნან იანუზაი გახდა იანვრის თვის საუკეთესო ფეხბურთელი, მან გამოკითხვის შედეგად ხმების 75% მოაგროვა. შეგახსენებთ, რომ მისთვის ეს პრიზი მეორეა ამ სეზონში, პირველად მან ეს ჯოლდო 2013 წლის ოქტომბერში მიიღო.
პრიზის მიღების შემდეგ მან მცირე ინტერვიუ ჩაწერა ManUtd.com-თან სადაც მის მომავალ გეგმებზე ისაუბრა.
"მე კმაყოფილი ვარ გასული წლით. მე ძალიან ბევრი ვიმუშავე და შევძელი პირველ გუნდში ადგილის მოპოვება." - განაცხადა ახალგაზრდა ფეხბურთელმა. "მოვახერხე ბევრი თამაშის ჩატარება და ვფიქრობ წინ კიდევ ბევრი მელოდება. იმედი მაქვს, რომ ამ კლუბთან ერთად შევძელებ თასების მოგებას და საუკეთესო ფეხბურთელად გახდომას."
იანუზაიმ ასევე ისაბრა სარეკორდო თანხად შეძენილ ხუან მატაზე, რომელიც კლუბს "ჩელსიდან" შეურთდა. ბელგიელის თქმით, მოხარულია, რომ ასეთი მაღალი დონის ფეხბურთელთან ერთად უწევს თამაში.
"ის შესანიშნავი ფეხბურთელია და ვფიქრობ მისგან ბევრს ვისწავლი." - განაგრძლო ადნანმა. "ის ძალიან ტექნიკური და ჭკვიანი ფეხბურთელია. მას შეუძლია გოლების გატანა და ასისტების გაკეთება. ძალიან ბედნიერები ვართ, რომ მისნაირი ფეხბურთელი გვყავს გუნდში."