მანჩესტერ იუნაიტედს ნამდვილად არ აქვს კარგი სეზონი,მაგრამ ამ გუნდში კარგი ამბებიც ხდება,მაგალითად მარკენტინგული გუნდი შესანიშნავად ართმევს თავის სამუშაოს თავს.

მანჩესტერ იუნაიტედი არის ერთ-ერთი უდიდესი მარკენტინგული კლუბი, რომელიც Nike-ს აღჭურვილობით თამაშობს. მიმდინარე კონტრაქტი ინგლისურ კლუბსა და სპორტულ ბრენდს შორის 2015 წელს მთავრდება. მაგრამ, როგორც Sunday Express იტყობინება, რომ ბრენდი იუნაიტედს ახალ გაუმჯობესებულ კონტრაქტს სთავაზობს. კონტრაქტის ხანგრძლივობა 10 წელი იქნება, ხოლო ყოველ წელს კლუბი Nike-სგან £70 მილიონს მიიღებს.

მარტივი გამოთვლებით კი იუნაიტედი საბოლოო ჯამში £700 მილიონს მიიღებს, რაც მეტია ვიდრე $1.1 მილიარდი. თუ ეს კონტრაქტი შედგა, მაშინ ეს იქნება მსოფლიო რეკორდი საფეხბურთო კლუბსა და სპორტულ ბრენდს შორის. მიმდინარე რეკორდი კი მადრიდის რეალსა და Adidas ეკუთვნის. გერმანული ბრენდი ესპანურ კლუბს წელიწადში £31 მილიონს აძლევს.

ეს კონტრაქტი თუ შედგა, მაშინ არაა გამორიცხული, რომ ზაფხულში იუნაიტედმა სერიოზული ტრანსფერები განახორციელოს და იუნაიტედის გულშემატკივრების მოლოდინსაც კი გადააჭარბოს.

წყარო:futnsoccer.com