ესპანელმა ნახევარმცველმა ხუან მატამ განაცხადა, რომ მას და მის გუნდელებს არ ეშინიათ და სურთ, რომ ბრძოლა განაგრძონ.
25 წლის ესპანელის დებიუტი შუა კვირაში უკვე შედგა "კარდიფთან" შეხვედრაში, რომელიც "ეშმაკებმა" 2-0 მოიგეს ''ოლდ ტრაფორდზე''. სარეკორდო თანხად შეძენილი ნახევამცველი, იმედს გამოთქვამს, რომ ''იუნაიტედი შეძლებს მისი ძალების აღდგენას და მის ჩვეულ სტილს დაუბრუნდება.
"ყოველთვის რთულია ყოველ მატჩში სასურველი ანგარიშის მიღწევა, ამიტომ ჩვენ თუ სწრაფ თამაშს ვითამაშებთ და სწრაფ კონტრშეტევებზე წავალთ, შევქმნით გოლის გატანის რეალურ შანსებს და ასევე მომგებიან პოზიციაშიც აღმოვჩნდებით, რითაც ყოველთვის უნდა ისარგებლოს კლუბმა."
"პრემიერ ლიგაში ძირითადად გრძელ გადაცემებს აკეთებენ და ფიზიკურად ძლიერი კლუბები არიან, მაგრამ მხოლოდ ერთი რამ მოგვეთხოვება, რომ ჩვენ კარგი თამაში ვაჩვენოთ და მოწინააღმდეგე კლუბს არ მივცეთ შეტევების გაკეთების უფლება, ამისათვის ჩვენ საკმარისად მაღალი დონის მოთამაშეები გვყავს, ამის გაკეთება რომ შევძლოთ." - აცხადებს მატა.
ასევე ფეხბურთელს ჰკითხეს, არიან თუ არა შეშინებულები წაგებებით მომდევნო მატჩების წინ.
"არა, შეშინებულები არ ვართ, მე ყველაზე მეტად თამაში მიყვარს, არ აქვს მნიშვნელობა რომელ სტადიონზე იქნება ეს შესაძლებელი. მთავარია იყოს სტადიონი, რომელიც მე მუდამ მეხმარება გაუმჯობესებაში. ვიმედოვნებთ ყველა ჩვენთაგანი, რომ შევძლებთ ყველაფრის გამოსწორებას.'' - დაასრულა მატამ.