იმისდა მიუხედავად, რომ უეინ რუნიმ, რობინ ვან პერსიმ და ხუან მატამ "სტოკის" წინააღმდეგ მატჩი ერთად, პირველივე წუთებიდანვე დაიწყეს, "იუნაიტედმა" მაინც იწვნია მეშვიდე მარცხი ამ სეზონში. დევიდ მოიესი ამ მარცხს ბედის არქონას აბრალებს და აცხადებს, რომ მისმა ფეხბურთელებმა კარგად ითამაშეს, იმისდა მიუხედავად რომ უამრავი მომენტი იქნა გაფუჭებული "ეშმაკუნების" მხრიდან.
"სტოკ სიტიმ" პირველად მოახერხა "იუნაიტედის" დამარცხება 1984 წლის შემდეგ. რაღა თქმა უნდა, ამით მორიგი ანტი-რეკორდიც დამყარდა. ყველაზე საგანგაშო კი ის არის, რომ მოიესის მატჩის შემდგომი ინტერვიუ ხაზგასმით მიგვანიშნებს ამ უკანასკნელის აზროვნების გაორებაზე.
"კარგი მატჩი გამოდგა, ჩვენ უბრალოდ ვერ გამოვიყენეთ მოცემული შანსები." თუ გუნდი კარგად თამაშობს, მაშინ როგორ მოახერხა "იუნაიტედმა" 2014 წელს გამართული 8 შეხვედრიდან 5 მათგანში დამარცხება?! ეს არ არის უბრალოდ უიღბლობა, ეს ყოველივე მიგვანიშნებს იმ გეგმის არ არსებობაზე, რომელიც ჩემპიონებს გამარჯვების გზაზე დააბრუნებს.
"მე არ ვიცი რა მოვიმოქმედო რომ გავიმარჯვოთ." - აცხადებს მოიესი მატჩისშემდგომ ინტერვიუში. ამ გულწრფელი აღიარების მიუხედავად, გუნდი ნელ-ნელა კარგავს პოზიციებს პრემიერ ლიგაში და უსახურ მატჩებს ატარებს. შაბათს გამართულ შეხვედრაში, 16 ჩაწოდებიდან, რომელიც პირველ ტაიმში განცხორციელდა, მხოლოდ ორმა მათგანმა მოძებნა ადრესატი. მატჩის დასასრულს კი "იუნაიტედის" შორეული გადაცემებიდან მხოლოდ 5 შესრულდა უნაკლოდ 33 მცდელობიდან.
ხუან მატა - სარეკორდო თანხად შეძენილი ესპანელი ვერ დაეხმა "იუნაიტედს" მორიგი მარცხის თავიდან აცილებაში
რა თქმა უნდა, ფეხბურთელებსაც მიუძღვით "დამსახურება" ამ მარცხში. ამასთან ერთად გუნდში ტრავმიანობაც ხშირია. მოიესს მოუწია ორი იძულებითი ცვლილება განეხორციელებინა მატჩის პირველ ნახევარში. მაგრამ, რაც ყველაზე მთავარია, მოიესმა უნდა გაანალიზოს, რომ მატას გუნდში გადმოყვანა არ მოაგვარებს ყველა პრობლემას. ნახევარზე მეტი "იუნაიტედის" შეტევები ხორციელდებოდა მარცხენა ფლანგიდან, ევრას და იანგის დუეტით ხარჯზე, რაც იმაზე მიგვანიშნებს რომ მოიესმა ვერ გაართვა თავი მატასთვის შესაფერისი მითითებები მიეცა.
მხოლოდ ეს არ არის პრობლემა. მოიესის აზრით მას კიდევ სჭირდება მარცხენა მცველი და ცენტრალური ნახევარმცველი, ევრას სუსტი თამაშის და რუნის ფაქტორის გამო.
"თუ თქვენ შემეკითხებით თუ რა მჭირდება ყველაზე მეტად, მე გიპასუხებთ - ნახევარმცველი და მარცხენა მცველი, მაგრამ შენ ყოველთვის არ გაქვს შესაბამისი ფიგურა, რათა დაასრულო ასაწყობი სასურველ მომენტში." აცხადებს მოიესი მატას შეძენის შემდეგ. ფიგურა, რომელიც მას აკლდა ჯონსის ტრავმის მიღების შემდეგ, ყველაზე მეტად სავარაუდო, დარენ ფლეტჩერი იყო, მაგრამ ის მთელი მატჩის მანძილზე სათადარიგო სკამზე დარჩა.
ამართლებს ის ფაქტი "იუნაიტედს", რომ მის მსგავსად, "ჩელსიმაც" იწვნია მარცხი "ბრიტანია სთედიუმზე" ? - რა თქმა უნდა გაამრთლებს, თუ კი ამ ორი გუნდის ქულების სხვაობა არ იქნებოდა 10. როგორც მოურინიომ განაცხადა ამ ორი გუნდის მატჩის შემდეგ, აღნიშნული "უფსკრული" ამოუვსებადია და "ეშმაკუნებმა" ახლა ოთხეულისთვის უნდა განაგრძონ ბრძოლა. ეს რომ შესაძლებელი გახდეს, მოიესმა არ უნდა იფიქროს მხოლოდ კონკრეტულ მატჩში გამარჯვებაზე, მან უნდა დასახოს გეგმა, რომელიც სტაბილურ გამარჯვებებს მოუტანს მის გუნდს სეზონის დასრულებამდე. ეს გეგმა კი სათქმელად ადვილია, შესასრულებლად გაცილებით რთული.
წყარო:
SkySPORTS