"იუნაიტედის" მწვრთნელმა დევიდ მოიესმა განაცხადა, რომ გუნდში ახლად მოსულ ხუან მატას ადაპტაციის გასავლელად გარკვეული დრო სჭირდება.
"ჩვენ დრო უნდა მივცეთ ხუანს, რათა შეეჩვიოს ახალ კლუბს. აღსანიშნავია ის ფაქტიც, რომ მას პრემიერ ლიგაში და ასევე დიდ კლუბში გამოსვლის საკმაოდ დიდი გამოცდილება აქვს. ეს მას ადაპტაციის პროცესს გაუადვილებს და ადვილად შეეჩვევა ახალ კლუბსა და თანაგუნდელებს" - აცხადებს მოიესი.
"თუმცა, ჩვენ დიდი ყურადღებით უნდა მოვეკიდოთ მის ადაპტირებას, უნდა გვესმოდეს, რომ გარკვეული დროის მონაკვეთი საჭიროა იმისათვის, რომ გუნდის ახალწვეულები გუნდს ადვილად მოერგონ." - განაცხადა შოტლანდიელმა.