"კარდიფ სიტის" მოსალოდნელმა დამარცხებამ, უიენ რუნისა და როვინ ვან პერსის დაბრუნებამ და ხუან მატას წარმატებულმა დებიუტმა ოლდ ტრაფორდზე ატმოსფერო უკეთესობისკენ შეცვალა. მაგრამ ზედმეტმა ოპტიმისტობამ უკვე მრავალჯერ იმოქმედა "იუნაიტედზე" ცუდად და ჯონი ევანსი მომავალ მატჩებზე აკეთებს კომენტარს.
მატჩის დასრულებისას ევანსს კითხეს, იყო თუ არა ეს გამარჯვება ახალი ერის დასაწყისი გუნდში, მან კი ასეთი პასუხი გასცა: "ჩვენ ეს მანამდეც განხილული გვქონდა, სანამ მატჩებს მოვიგებდით. არ შეგვიძლია ყოველი მოგებული მატჩის მერე ვთქვათ რომ ეს იყო რაიმე ახალის დასაწყისი. იმისათვის რომ თავს ამის უფლება მივცეთ, საჭიროა ჩვენს ანგარიშზე ზედიზედ ხუთი მოგებული მატჩი მაინც იყოს. ჩვენ თვითდაჯერება გვჭირდება, განსაკუთრებით შინ, რომ ჩავატაროთ ასეთი დონის მატჩები."
ევანს მიაჩნია რომ რუნისა და ვან პერსის დაბრუნებასთან ერთად, მატას გადმოსვლა კიდევ უფრო მეტ თავსატეხს მისცემს დევიდ მიოიესს, რომელიც საერთო ჯამში გუნდზე კარგად აისახება.
"შენ გინდა მოედანზე რაც შეიძლება მეტი მაღალი დონის ფეხბურთელი გყავდეს". - განაგრძობს 26 წლის მცველი. "უიენ რუნის შეცვლაზე შემოსვლამ ასევე დიდი გამოხმაურება გამოიწვია მოედანზე შეკრებილ გულშემატკივრებს შორის. გუნდში ძალიან დიდი სხვაობა არ არის ფეხბურთელების დონეში. წარსულში, ბოსს ყოველთვის ჰქონდა შესაძლებლობა მიემართა როტაციისთვის, რომელსაც საერთო ჯამში შედეგზე გავყავდით." - დაასრულა ევანსმა.