როგორც მოგეხსენებათ, ხუან მატა კლუბის სარეკორდო თანხად (37.1 მილიონი) იქნა გამოსყიდული ლონდონის "ჩელსიდან", სადაც მას ბოლო ხანებში სათამაშო დროის დეფიციტი ჰქონდა. ესპანელმა წითელი მაისურით პირველივე მატჩში კარგი შთაბეჭდილება დატოვა, როდესაც მისმა ახალმა კლუბმა "კარდიფ სიტი" შინ, 2-0 დაამარცხა.
"იუნაიტედი" თავის მეზობლებს 13 ქულით ჩამორჩება პრემიერ ლიგის ცხრილში. 2014 წლის დასაწყისშივე კლუბი გამოეთიშა Fa და Capital One Cup-ის ჩემპიონატებს. ყველაფრის მიუხედავად "იუნაიტედის" ახალგაზრდა მცველ, ფილ ჯონსს მიაჩნია, რომ მატას ტრანსფერი ამ ყველაფერს დადებითი კუთხით გადაწონის.
"როდესაც გასახდელში ასეთი დონის ფეხბურთელს ხედავ, ის შენზე კარგად მოქმედებს." აცხადებს ჯონსი. "მას ბურთის კონტროლის შესანიშნავი ნიჭი აქვს. მისმა ტრანსფერმა ნამდვილად მოგვიმატა მოტივაცია გასახდელშიც და ვარჯიშზეც."
"ჩვენ გვინდა რომ მას (მატას) ვანახოთ თუ რა დიდებულ კლუბშია ის. მან შესანიშნავი სტარტი აიღო და იმედი მაქვს ამ კლუბში დიდი ხნის მანძილზე დარჩება. მატას აქვს უნარი მოიფიქროს ისეთი გადაცემა, რომელიც სხვა ვერც წარმოიდგენდა. თუ ის ასე განაგრძობს თამაშს ჩვენ ნელ-ნელა ცხრილის ზემოთა ნაწილში გადავინაცვლებთ."
"კარდიფის" წინააღმდეგ სასტარტო შემადგნელობაში მოხვდა რობინ ვან პერსი, რომელიც მანამდე დეკემბერში ვიხილეთ უკანასკნელად მწვანე მინდორზე. უიენ რუნი კი სათადარიგო შემადგენლობიდან ჩაერთო თამაშში. ფილ ჯონსი კი თვლის რომ, ტრავმების მოშუშებამ და გუნდში მატას დამატებამ ყველასათვის დადებითად იმოქმედა.
"რობინი ყველაფერს ცდილობდა იმისათვის, რომ მალე დაბრუნებულიყო მოედანზე." - აგრძელებს ჯონსი. "ჩვენ ბედნიერები ვართ რომ გვყავს ის, უეინ რუნი და ახლა ხუან მატაც. იმედი მაქვს მარუან ფელაინი და მაიკლ ქერიქიც მალე ჩადგებიან ფორმაში და შაბათს (სტოკის წინააღმდეგ) გუნდი ოპტიმალური შემადგენლობით წარდგება."
"როცა კლუბში ასეთი მნიშვნელოვანი ფეხბურთელები გაკლია, შენ იძულებული ხარ სხვა გზა ეძიო. ჩვენ ყველა კმაყოფილები ვართ მათი დაბრუნებით და იმის ხილვით თუ როგორ განაგრძობენ მაღალ დონეზე თამაშს მხარდამხარ." - დაასულა ფილმა.