"იუნაიტედის" ფანმა, რომელმაც დარეკა 999 ცხელ ხაზზე, სერ ალექსთან საუბრის მიზნით, ბოდიში მოიხადა. მას შემდეგ რაც მანჩესტერი ლიგის თასის ნახევარფინალიდან "სანდერლენდმა "გამოაგდო, 56 წლის მარტინ დევისმა გადაწყვიტა ესარგებლა გადაუდებელი დახმარების სატელეფონო ხაზით და გასაუბრებოდა სერ ალექს ფერგიუსონს. დევისმა ახლახანს ახსნა თავისი საქციელი და საჯაროდ ბოდიშიც მოიხადა.















მან Sunderland Echo-სთან საუბარში განაცხადა:"თამაშს რამდენიმე მეგობართან ერთად ვუყურებდი. მათ შორის იყო "სიტის" ფანიც. ძალიან ცუდი რამ მოხდა. 6 წლიდან "იუნაიტედის" გულშემატკივარი ვარ. "იუნაიტედის" თამაში არაეთიკური, ამავდროულად კრიმინალური იყო. მე მსურდა სერ ალექსთან გასაუბრება, რათა მეთხოვა დაბრუნებულიყო უკან და გაეყარა გუნდიდან ისინი. "ოლდ ტრაფორდზე" დარეკვას აზრი არ ჰქონდა, ამიტომ პოლიციაში დავრეკე. ვხვდები, შეცდომა დავუშვი- მათ შეეძლოთ ჩემი დაჭერა, რადგან ტყუილად დრო დავაკარგვინე."

მანჩესტერის პოლიციამ ურჩია მოსახლეობას, რომ თუ მათ სურთ ფერგიუსონთან საუბარი, 999 ცხელ ხაზზე არ დარეკონ. მარტინ დევისმა სხვა ათასობით ფანთან ერთად უყურა "იუნაიტედის" თამაშს "სანდერლედის" წინააღმდეგ. ლიგის თასის ფინალი შემდეგ თვეს "უემბლიზე" "სიტისა" და "სანდერლენდს" შორის გაიმართება.

რაც შეეხება ნახევარფინალურ თამაშს. "იუნაიტედი" ჯონი ევანსმა დააწინაურა, მაგრამ საქმე დამატებით დრომდე მივიდა, სადაც დე ხეამ შეცდომა დაუშვა და ბარდსლიმ ანგარიში გაათანაბრა. მატჩის ბოლო წუთზე ჩიჩარიტომ მანჩესტერი წინ გაიყვანა.












პენლების სერია "იუნაიტედმა" საშინლად შეასრულა- ფილ ჯონსმა, რაფაელმა, ადნან იანუზაიმ და დენი უელბეკმა თერთმეტმეტრიანი დარტყმული ვერ გაიტანეს.

აქვე გთავაზობთ საუბარს მთვარ ფანსა და 999-ს მოპასუხეს შორის:

ფანი:გამარჯობა, შეიძლება სერ ალექს ფერგიუსონს გავესაუბრო?

მოპასუხე:999 ტელეფონის ხაზით არა.

სერ ალექს. შედეგი არასასურველია. მათ ჰქონდათ დამატებითი დრო, მაგრამ მათი თამაში ნაგავი იყო.

მოხდა რაიმე დანაშაული, რისი შეტყობინებაც ჩვენთვის დაუყოვნებლად გინდათ?

დიახ, დანაშაული. სწორედ დანაშაულზე ვსაუბრობ.

რა დანაშაულზე საუბრობთ?

მანჩესტერ იუნაიტედზე...ისინი დამნაშავეები არიან.

შემიძლია თქვენი სახელი ჩავიწერო? მისამართი? მე ვაპირებ ყველაფრის გარკვევას.

კი. შეგიძლია გადმომირეკო?

არა.

რატომ?

ეს არ არის პოლიციის საქმე.

თქვენ პოლიციელი ქალი ხართ?

არა, მე პოლიციის პერსონალი ვარ, მაგრამ ამას არ აქვს მნიშვნელობა.

კარგი, გასაგებია.

ნახვამდის.

დიახ. ნახვამდის.