ხუან მატამ აღიარა, რომ მას ყოველთვის იზიდავდა "მანჩესტერ იუნაიტედი" კლუბის ხასიათისა და ისტორიის გამო.

ესპანელი "წითლებს" შეუერთდა "ჩელსიდან" და ოფიციალურად წარადგინეს, როგორც "იუნაიტედის" ფეხბურთელი პრესკონფერენციის დროს ორშაბათს.

მანამ სანამ მოიესმა მასზე ისაუბრა, გარდა ამისა ოფიციალურად გადასცა 8 ნომრიანი მაისური, მატამ ბრწყინვალედ ისაუბრა კლუბის სახელოვან წარსულსა და "წითლების" ქამბექებზე, რაც ყოველთვის გამოარჩევდა "ეშმაკუნებს" სხვისგან.

"რაც მე ყველაზე ძალიან მომწონს ამ კლუბში ეს არის "წითლების" ხასიათი,"-აცხადებს მატა. "ჩვენთვის ძალიან რთული იქნება დაბრუნება და პირველი ადგილის დაკავება, მაგრამ ეს ის კლუბია, რომელმაც ამის გაკეთება მრავალჯერ შეძლო და კიდევ შეუძლია. ისინი ბოლომდე იბრძვიან და ამიტომაც მაქვს მე მათზე ასეთი შეხედულება. ისინი ყოველთვის ცდილობენ ტიტულების მოგებას, ისინი მართლაც ბოლო წამამდე იბრძვიან და აკეთებენ საოცარ ქამბექებს ყველაზე რთულ მომენტებში."

"მე მინდა ის ფეხბურთი დავანახო ხალხს, რაც ჩემს შიგნით ცოცხლობს. ეს სწორედ ის არის რისი გაკეთებაც მე მსურს. მე ვფიქრობ, რომ ძალიან კარგი გუნდია, ისევე, როგორც მთლიანი შემადგენლობა. ამ სეზონში მათ რამდენიმე უიღბლო შემთხვევები ჰქონდათ. მაგრამ მე ვიმედოვნებ, რომ დღევანდელი დღიდან მოყოლებული სეზონის ბოლომდე, ჩვენ იმდენ თამაშს მოვიგებთ რამდენიც უნდა მოვიგოთ და რამდენიც ჩვენ შეგვიძლია."-დაასრულა ესპანელმა.

მატა "იუნაიტედს" სეზონის შუაში შეუერთდა. "წითლები" რთულ მდგომარეობაში იმყოფებიან, ისინი მეშვიდე ადგილს იკავებენ "პრემიერ ლიგაში" და ლიდერებს 14 ქულით ჩამორჩებიან. თუმცა, ესპანელი დარწმუნებულია, რომ მისი ახალი გუნდი შეძლებს ყველაფრის მოწესრიგებას და თავის კუთვნილ პოზიციაზე დაბრუნებას.

ManUtd.com