მიუხედავად იმისა, რომ მატას ამ სეზონში სათადარიგოთა სკამზე უწევს ყოფნა, პრემიერ ლიგაში სულ 227 სახიფათო მომენტი შექმნა. ამ კომპონენტში მას მხოლოდ და მხოლოდ თანამემამულე დავიდ სილვა უსწრებს. ამ ყველაფრის გათვალისწინებით, საინტერესო იქნება სად ათამაშებენ უეინ რუნის. ინგლისელი ბოლო რამდენიმე წელიწადია გამთამაშებლის პოზიციაზე დგას და დავალებას კარგად ართმევს თავს.

მას შემდეგ რაც მატა "ვალენსიიდან" "ჩელსიში" გადავიდა, სულ 6943 წუთი გაატარა მოედანზე. კრეატიული ესპანელი ყოველ 30,6 წუთში ქმნის სახიფათო მომენტს, საგოლე გადაცემის გასაკეთებლად კი 120 წუთი სჭირდება. მატას გოლის გასატანად 360 წუთი სჭირდება, ხოლო 100%საგოლე მომენტის შესაქმნელად კი 267 წუთი.

მატა ასევე გამორჩეულია ჩაწოდებებში, ფლანგიდან სულ 533 პასი აქვს შესრულებული და 131_ჯერ ეს ბრწყინვალედ შეასრულა.

"იუნაიტედში" გადასვლით მატა ძალიან ბედნიერი უნდა იყოს. მას შანსი ეძლევა დაამტკიცოს თავისი შესაძლებლობები და გაემგზავროს მსოფლიო ჩემპიონატზე. ამ ტრანსფერით კარგად ისარგებლებს დევიდ მოიესიც, რომელსაც ბოლო თვეებია ძირითადის ფეხბურთელები დამტვრეული ჰყავს. ამასთანავე, მატა "იუნაიტედის" შეტევებს უფრო კრეატიულს გახდის.

ამ სეზონში ხუან მატამ უკვე ითამაშა ჩემპიონთა ლიგაზე, ამიტომ იგი "იუნაიტედს" ვერ დაეხმარება ევროპულ ტურნირზე. მაგრამ, შეუძლია გუნდის გმირად იქცეს და დევიდ მოიესთან ერთად "მანჩესტერი" ოთხეულში შეიყვანოს.

წყარო: Sports.ru