"მანჩესტერ იუნაიტედი" - "კარდიფ სიტი" - პრევიუ
სტადიონი: "ოლდ ტრაფორდი",მანჩესტერი
მონაცემი: პრემიერ ლიგის 23-ე ტური.
მსაჯი: კრეიგ პოუსონი.
თარიღი: სამშაბათი, 28 იანვარი, 2014 წელი.
მატჩის დასაწყისი: 23:45, (ჩვენი დროით)"მანჩესტერ იუნაიტედი"ტრავმირებულები: ქერიქი, ნანი.
დისკვალიფიკაცია: ვიდიჩი.
კითხვისნიშნისქვეშ: რუნი, ვან პერსი, ფელაინი, ფერდინანდი, ჩიჩარიტო.
მთავარი მწვრთნელი: დევიდ მოიესი.
"მანჩესტერ იუნაიტედი" მიმდინარე ჩემპიონატში მეშვიდე ადგილს იკავებს 37 ქულით. გასულ ტურში მათ ლონდონის "ჩელსისთან" მარცხი იწვნიეს ანგარიშით 3-1.
"კარდიფ სიტი"ტრავმირებულები: ენდრიუ ტეილორი. დისკვალიფიკაცია: არავინკითხვისნიშნისქვეშ: არავინმთავარი მწვრთნელი: ოლე გუნარ სოულშერი. "კარდიფ სიტი" მიმდინარე ჩემპიონატში უკანასკნელ ადგილს იკავებს 18 ქულით. გასულ ტურში ისინი ესტუმრნენ მანჩესტერს, სადაც "მანჩესტერ სიტისთან" დამარცხდნენ ანგარიშით 4-2.
გუნდების ფორმა "წითელი ეშმაკები" ბოლო 6 მატჩში 5ჯერ დამარცხდნენ, რაც მათ ცუდ ფორმაზე მეტყველებს. ეს შეიძლება განპირობებული იყოს გუნდის წამყვანი ფეხბურთელების ტრავმებით. მათ ოთხშაბათს ითამაშეს ინგლისის ლიგის თასის ნახევარფინალი "სანდერლენდთან" და პენალტების სერიაში დამარცხდნენ. ამ მარცხზე სამწუხარო ალბათ მაიკლ ქერიქის ტრავმა იყო, რომელიც 1 თვით გამოაკლდა გუნდს. ასევე მიკრო ტრავმები მიიღეს ჩიჩარიტომ და ბიუტნერმაც. ლაზარეთი ნელ-ნელა ცარიელდება, რაც "წითლებისთვის" ძალიან სასიხარულოა. გუნდს უბრუნდებიან ლიდერები: რუნი და ვან პერსი, ასევე სავარაუდოდ ხუან მატაც ითამაშებს უელსელების წინააღმდეგ. ასევე სავარაუდოდ დაბრუნდებიან მარუან ფელაინი და რიო ფერდინანდიც.
"კარდიფის" ახალი თავკაცი-ოლე გუნარ სოულშერი, საკმაოდ აქტიურობს მიმდინარე სატრანსფერო ფანჯრის დროს. მან დაიმატა რამდენიმე ფეხბურთელი სხვა და სხვა ჩემპიონატებიდა და ცდილობს ფაბიოს, ზაჰასა და კენუაინ ჯონსის გადაბირებასაც. "უელსელები" მიმდინარე სეზონში საკმაოდ ცუდად გამოიყურებიან განსაკუთრებით ბოლო ხანებში, მათ ბოლო 10 მატჩიდან მხოლოდ 1ში გაიმარჯვეს, 2 ფედ დაასრულეს და 7 შეხვედრაში დამარცხდნენ.
ბოლო 6 მატჩი საინტერესო ფაქტები* მანჩესტერ იუნაიტედს ოლდ ტრაფორდზე სულ 998 ქულა აქვს მოპოვებული, რაც ინგლისში სარეკორდო მაჩვენებელია.
* კარდიფ სიტის არ მიუგია ბოლო 7 გასვლითი მატჩიდან არცერთი. (2 ფრე და 5 მარცხი)
* კარდიფმა ბოლოს იუნაიტედს ოლდ ტრაფორდზე, შორეულ 1954 წელს მოუგო, როცა უელსურმა კლუბმა 2-3 იმარჯვა.
* მიმდინარე სეზონში კარდიფ სიტის გოლების 35% თავით იქნა გატანილი, რაც პრემიერ ლიგაში საუკეთესო მაჩვენებელია.
ურთიერთშეხვედრები ეს გუნდები ერთმანეთს სულ 25-ჯერ დაუპირისპირდნენ ისტორიის მანძილზე. ამ 25 მატჩიდან 11 მატჩში გამარჯვება "იუნაიტედმა" შეძლო, 8 მატჩი ფრედ დასრულდა, ხოლო 6 მატჩში "კარდიფმა" შეძლო გამარჯვების მოპოვება.
24.11.2013 Cardiff City 2 - 2 Manchester United
02.02.1962 Manchester United 3 - 0 Cardiff City
15.09.1961 Cardiff City 1 - 2 Manchester United
28.04.1961 Manchester United 3 - 3 Cardiff City
25.11.1960 Cardiff City 3 - 0 Manchester United
26.04.1957 Cardiff City 2 - 3 Manchester United
25.12.1956 Manchester United 3 - 1 Cardiff City