ტრანსფერის დასრულების შემდეგ, ხუან მატამ დიდი მადლობა გადაუხადა იმ გულშემატკივრებს, რომლებიც მას "ჩელსიში" ყოფნის დროს გულშემატკივრობდნენ. კვირას 25 წლის ესპანელი "იუნაიტედის" სავარჯიშო ბაზაზე ჩაფრინდა, სადაც მან სამედიცინო შემოწმება გაიარა და საბოლოოდ დაადასტურა ტრანსფერი. შეგახსენებთ, რომ ხუანი "იუნაიტედში" 37.1 მილიონ ფუნტად გადაბარგდა.
მატასთვის 2013-14 წლების სეზონის პირველი წრე არც ისე სახარბიელოდ დაიწყო, მაგრამ მან გულშემატკივრისთვის დაწერილ ღია წერილში შეეცადა გაეხსენებინა რამდენიმე კარგი მომენტი "ჩელსიში" ასპარეზობის დროს.
"გასულ წლამდე მეგონა, რომ "ჩელსიში" ძალიან დიდი ხნით დავრჩებოდი. მე ძალიან ბედნიერი ვიყავი კლუბშიც და ქალაქშიც. სიტუაცია კი შეიცვალა წინასასეზონო მომზადების დროს. კლუბისთვის მნიშვნელოვან ფეხბურთელად ვთვლიდი თავს და ამის გამო დამეუფლა უცნაური გრძნობა, რომ "ჩელსის" ტოპ-თამაშებში ვერ დავეხმარებოდი. ფეხბურთში ყველაფერი ხდება. ძალიან ძნელია დიდი კლუბში თამაში."
"არასდროს დამავიწყდება გულშემატკივრების მხარდაჭერა "ჩელსიში" ასპარეზობის დროს, მოსვლის პირველი დღიდან წასვლის ბოლო დღემდე. ყოველთვის დიდი პატივისცემით მოვეპყრობი მათ. ყოველთვის..."
"ბერვი კარგი მოგონება დამრჩა. ინგლისის თასი - ჩემი პირველი ტიტულია "ლურჯებში". ძალიან დიდი სიხარული განვიცადე, როდესაც კლუბთან ერთად მოვიგე ჩემპიონთა ლიგა მიუნხენში და ევროპის ლიგა. მაგრამ ბოლო ექვსი თვე ძალიან რთული გამოდგა. ყოველი წერილი სოციალური ქსელებიდან, ქუჩაში თბილად მოსალმება, ამ ყველაფერმა დამანახა, რომ "ჩელსის" გულშემატკივრებს ძალიან ვუყვარვარ და მეც ვამაყობ მათი."
"ძალიან გამიხარდა, როდესაც ასეთი ნდობა გამომიცხადეთ. ბოლო ორი წელი კლუბის საუკეთესო მოთამაშედ მთვლიდით. მე ძალიან დიდ მადლობას ვუხდი ჩემ ყოფილ თანაგუნდელებს და ყველაფერს საუკეთესოს ვუსურვებ. "ჩელსიში" ყოფნის დროს ძალიან ბევრი მეგობარი გავიჩინე. მეგობრობა კი სამუდამოა, მაგრამ არა მინდორზე." - განაცხადა მატამ.