"იუნაიტედის" ყოფილი მწვრთვნელი სერ ალექს ფერგიუსონი ახლახანს დაინიშნა უეფას ელჩად. შოტლანდიელი სპეციალისტის აზრით მაისის ბოლოს "სიტის" ექნება ყველაზე დიდი შანსი გახდეს ჩემპიონი ინგლისში, თუმცა არც სხვა გუნდებს გამორიცხავს ჩემპიონობის პრეტენდეტებად. სერ ალექსს "სქაისპორტთან" ჰქონდა ექსკლუზიური ინტერვიუ, სადაც ის საუბრობს: "ეს წელი ჩემთვის 5-6 წლის განმავლობაში ყველაზე საინტერესო წელია, დიდებულ პრემიერ ლიგას ვადევნებთ თვალს" "შენ უნდა ნახო "მანჩესტერ სიტის" მომზადება, ისინი ძალიან კარგად თამაშობენ და აქვთ შანსი გახდნენ ჩემპიონები. თუმცა ნუ ჩამოვწერთ სხვა კლუბებსაც" - განაცხადა შოტლანდიელმა.
"არსენალი, რომელზეც მუდამ საუბრობდნენ, რომ ის მალე ჩამოეწერებოდა პრემიერ ლიგის სათავეს, თუმცა კლუბი კვლავ ზედა პოზიციაზეა. ასევე მათაც ძალიან კარგი შანსი აქვთ ჩემპიონობისთვის. ასევე "ჩელსი", "ტოტენჰემი", "ევერტონი", ამ გუნდებმაც კარგად დაიწყეს ასპარეზობა." - საუბრობს ფერგიუსონი.
ბოლოს კი მან ასევე "იუნაიტედზეც გამოთქვა თავისი აზრი. "იუნაიტედი" მუდამ სეზონის მეორე ნახევრიდან იწყებდა კარგი თამაშების ჩვენებას. დაველოდოთ და ვხედავთ, რომ ფანტასტიურ სეზონს ვადევნებთ თვალს." - სერ ალექსი. "სქაისპორტმა" შოტლანდიელს "მანჩესტერის" შანსებზეც ჰკითხა, რაზეც მან ასეთი პასუხი გასცა: "იუნაიტედს" შეუძლია გააკეთოს ყველაფერი. მათ აქვთ დიდი ისტორია და სათამაშო ფილოსოფია, ასე რომ ისინი ყოველთვის კარგად ასრულებენ სამუშაოს. მე შემიძლია ვუყურო კლუბის თამაშს, როდესაც მომინდება და ძალიან მსიამოვნებს ეს"
საუბრის ბოლოს კი ფერგიმ დასძინა, რომ მას ძალიან მოსწონს იყოს მხარდამჭერი გუნდისა და უყუროს თამაშებს გულშემატკივრის პოზიციიდან.