სერ ალექს ფერგიუსონი აცხადებს, რომ დევიდ მოიესს არანაირ შემთხვევაში არ დაითხოვენ სამსახურიდან. შოტლანდიელმა გენიოსმა თავისი სამწვრთნელო 27 წლიანი კარიერა გასულ ზაფხულს დაასრულა და "იუნაიტედის" სადავეები დევიდ მოიესს გადასცა, რომელსაც მძიმე წნეხის ქვეშ მოუხდა სეზონის დაწყება და ახლა "იუნაიტედი" არცთუ ისე სახარბიელო მდგომარეობაშია.
როდესაც ფეგიუსონს The Sun-ის ჟურნალისტმა ჰკითხა, კიდევ უჭერდა თუ არა მხარს კლუბის ხელმძღვანელობა დევიდ მოიესს, მან უპასუხა: "აბსოლუტურად".
"ჩვენ არ გვჭირდება მაგ გზით სიარული. ყველამ იცის თუ როგორი კლუბია "იუნაიტედი". დევიდ მოესი თანამდებობას არავითარ შემთხვევაში არ დაკარგავს." - აცხადებს ფერგიუსონი.
ჩემპიონები პრემიერ ლიგის ცხრილში მეშვიდე ადგილზე იმყოფებიან და უკვე გამოეთიშნენ Capital One და Fa Cup-ებს.
თავად ფერგიუსონი კი ამ საკითხს არ განიხილავს და აკრიტიკებს ისეთ კლუბებს, რომლებიც მალევე ანთავისუფლებელ ახალდანიშნნულ მწვრთნელებს.
"მე ვერ ვიგებ ამ ყველაფერს. დირექტორები ხომ წინასწარ განიხილავენ კანდიდატის კარიერას და CV-ს. გადის ერთი წელი და ისინი სხვა მენეჯერს ირცეჩევენ. შემდეგ კვლავ იგივეს იმეორებენ. ჩემი აზრით ეს ყველაფერი სისულელეა". - განაცხადა შოტლანდიელმა, რომელმაც სულ ახლახანს უეფას ელჩის თანამდებობა მიიღო.