შინჯი კაგავას აგენტმა ყველა ჭორი უარყო იმის შესახებ, რომ თითქოსდა მისი კლიენტი კლუბს დატოვებდა, იმის გამო რომ "ოლდ ტრაფორდზე" შესაძლოა ხუან მატა გადმობარგდეს.
თუ სხვადასხვა წყაროებს დავუჯერებთ, მატას გაფორმების შემდეგ "იუნაიტედი" მზად იქნება კაგავა გაყიდონ. ზოგი წყარო იმასაც კი წერს, რომ შესაძლოა კაგავა ყოფილ კლუბს, დორტმუნდის "ბორუსიას" შეუერთდეს, მაგრამ ილკაი გუნდოგანის სანაცვლოდ.
კაგავას წლევანდელი სეზონი არც ისე წარმატებულად დაიწყო, მან მხოლოდ შვიდჯერ დაიწყო შეხვედრა სასტარტო შემადგენლობიდან და გოლიც არ გაუტანია, მაგრამ ის არსად წასვლას არ აპირებს.
"დარწმუნებული ვარ, რომ შინჯი არსად წავა. ვფიქრობ, რომ მატას ტრანსფერი მას არაფერს ავნებს. კიდევ ერთხელ ვიმეორებ ის კლუბში რჩება!" - განაცხადა ტომას კროტმა Sky Sports-თან.