"მანჩესტერ იუნაიტედის" ყოფილი, ლეგენდარული მწვრთნელი სერ ალექს ფერგიუსონი უეფას ოფიციალური ელჩი გახდა.
სერ ალექსი გახდა "სამწვრთნელო ელჩი". ამ თანამდებობაზე, შოტლანდიელი, რომელმაც სამწვრთნელო კარიერა გასულ ზაფხულს დაასრულა, დღეს დაინიშნა უეფას აღმასრულებელი კომიტეტის სხდომაზე.
"სერ ალექსი გახდება "სამწვრთნელო კრების" თავმჯდომარე. შეგახსენებთ, რომ ეს კრება ყოველ წელს იმართება. ის ასევე შევა ჩემპიონთა ლიგისა და ევროპის ლიგის ტექნიკური კვლევის ჯგუფში." - განაცხადა უეფას პრეზიდენტმა მიშელ პლატინიმ.
დავამატებ იმასაც, რომ ამ დროისთვის სერ ალექსი "მანჩესტერ იუნაიტედის" დირექტორის პოსტზე იმყოფება.