21 წლის ვინგერმა, უილფრიდ ზაჰამ დღეს სამედიცინო შემოწმება გაიარა "კარდიფის" ბაზაზე, უელსელებს კი სურთ რომ მისი ტრანსფერი დასრულებული იყოს შაბათამდე, სადაც "მერცხლები" Fa Cup-ის მეოთხე რაუნდში "ბოლტონს" დაუპირისპირდებიან. როგორც ჩანს, მოლაპარაკებები კარგად მიმდინარეობს და ზაჰა ამ სეზონს "კარდიფის" რიგებში დაასრულებს.
უილფრიდი "იუნაიტედს" გასულ ზამთარს, 15 მილიონ ევროდ შეუერთდა, თუმცა არენდის სახით გუნდში სეზონის ბოლომდე დარჩა და დაეხმარა ყოფილ გუნდს პრემიერ ლიგის საგზურის მოპოვებაში. მან 50 მატჩში 8 გოლი გაიტანა და გადამწყვეტ მატჩში პენალტი მოიპოვა, რის შედეგადაც იგი მატჩის გმირად დასახელდა, "კრისტალ პალასი" კი დღეს პრემიერ ლიგაში ადგილის შენარჩუნებისთვის იბრძვის.
მას შემდეგ რაც ზაჰა ოლდ ტრაფორდზე გადაბარგდა, მან მხოლოდ ორი შეხვედრა დაიწყო საწყისი წუთებიდან "უიგანისა" და "ნორვიჩის" წინააღმდეგ. ხოლო ორ შეხდრაში იგი სათადარიგოთა სკამიდან ჩაერთო თამაშში.
თუ ეს ტრანსფერი ოფიციალურად დამტკიცდება, ზაჰა მესამე შენაძენი იქნება ოლე გუნარ სოლსკიაერისთვის, რომელმაც მანამდე ორი ნორვეგიელი დაიმატა მისივე ყოფილი გუნდიდან, "მოლდედან". მაგნუს ვოლფ ეიკრემი და მატს დელი დღეს კარდიფის ღირსებას იცავენ.
შეგახსენებთ, რომ 28 იანვარს, ყოვილ წითელ ეშმაკს ოლდ ტრაფორდზე მოუწვევს სტუმრობა, სადაც ბოლო ადგილზე მყოფი მისი გუნდი ჩემპიონთა ლიგის საზგურისთვის მებრძოლ "იუნაიტედს" დაუპირისპირდება.