ეს დღეებია ვრცელდება ინფორმაცია რომ ხუან მატა 40 მილიონ ფუნტად ოლდ ტრაფორდს შეუერთდება. ამ თემასთან დაკავშირებით უკვე ბევრი სპეციალისტის კომენტარი მოვისმინეთ, თუმცა არსენ ვენგერს ყველასგან განსხვავებული პოზიცია უჭირავს. "მეთოფეების" თავკაცს მიაჩნია, რომ უსამართლობაა "ჩელსიდან" "იუნაიტედში" გადაბარგება, მითუმეტეს მას შემდეგ, რაც ამ სეზონში გუნდებმა უკვე ორჯერ შეხვდნენ ერთმანეთს.
"მე გაკვირვებული ვარ. ხუან მატა შესანიშნავი ფეხბურთელია და ისინი (ჩელსი) ამ ფეხბურთელს პირდაპირ კონკურენტებს ჰყიდიან." აცხადებს ვენგერი. ""ჩელსი" უკვე ორჯერ ეთამაშა "იუნაიტედს", მათ ხომ შეეძლოთ იგი წინა კვირას გაეყიდათ ?!"
"ვფიქრობ, შენ თუ ყველასგან პატივისცემას ელი, მაშინ ასეთი რამ არ უნდა გააკეთო. მე მესმის რასაც მოურინიო აკეთებს. შეიძლება თავად ის არ ადგენს წესებს, მაგრამ წესები ალბათ უფრო ადაპტირებული უნდა იყოს სამართლიანობასთან." - დაასრულა ფრანგმა.
"არსენალი", რომელიც 2 ქულით უსწრებს მესამე ადგილზე მყოფ "ჩელსის", შეიძლება დაუპირისპირდეს მატას, როდესაც "იუნაიტედი" ემირეით სთედიუმს ესტუმრება 12 თებერვალს.