"მანჩესტერ იუნაიტედი" 2–1 (3–3) "სანდერლენდი"
გოლები: ჯონი ევანსი 37'; ბარნსლი 119'; ჩიჩარიტო 120''.
გაფრთხილება: ბორინი, ოში, გარდნერი, ალონსო, ჯონსი, იანუზაი.
ტურნირი: ინგლისის ლიგის თასი
სტადიონი: ოლდ ტრაფორდი
თარიღი: 22 იანვარი 2014, 23:45
მსაჯი: მაიკლ დინი
დღეს გაიმართა ინგლისის ლიგის თასის ნახევარფინალის განმეორებითი შეხვედრა, სადაც "მანჩესტერ იუნაიტედმა" "სანდერლენდი" მიიღო. წინა მატჩი "სანდერლენდის" გამარჯვებით, ანგარიშით 2–1 დასრულდა. მასპინძლები 37–ე წუთზე ჯონი ევანსის გოლით დაწინაურდნენ. მატჩი დამატებით დრომდე მივიდა, რომელიც საკმაოდ დრამატული გამოდგა. 119–ე წუთზე დე ხეამ მიუტევებელი შეცდომა დაუშვა და "სანდერლენდმა" გაათანაბრა. თუმცა დევიდ მოიესის შეგირდებმა 1 წუთში გოლით უპასუხეს და ისევ წინ გავიდნენ. გოლი იანუზაის აქტიურობას მოჰყვა, რომლის გადაცემითაც ხავიერ ერნანდესმა ისარგებლა. ფინალისტი პენალტების სერიამ გამოავლინა. პირველად ბურთთან ფილ ბერდსლი მივიდა, რომელმაც ძალიან ცუდად შეასრულა თერთმეტმეტრიანი. ვალში არც "იუნაიტედის" თავდამსხმელი, დენი უელბეკი დარჩა და მანაც ვერ მოახერხა გატანა. შემდეგი სტივენ ფლეტჩერი იყო.ამ უკანასკნელს დავიდ დე ხეამ აჯობა და "იუნაიტედს" წინ გასვლის შანსი მიეცა, რომელიც დარენ ფლეტჩერმა გამოიყენა. ალონსომ გაათანაბრა და ჯერი იანუზაიზე მიდგა, რომელმაც ძალიან ცუდად დაარტყა. ანგარიში გათანაბრდა, 3–3 პენალტი და 1–1. სუნგ–იონგ კის კარგად შესრულებული თერთმეტმეტრიანის წყალობით სანდერლენდი წინ გავიდა. საჭირო მომენტში ვერ ივარგა ფილ ჯონსმა და ააცილა ბურთი კარს. შანსი "სანდერლენდს", თუ ჯონსონი გაიტანს, გუნდი ფინალში გადის, მაგრამ ისევ დავიდ დე ხეას კარგი თამაშის წყალობით "იუნაიტედს" შანსი ისევ მიეცა. 5–ე თერთმეტმეტრიანი რაფელმა შეასრულა, რომელმაც უხეიროდ დაარტყა და მანონემ ბურთის მოგერიების შანსიც არ გაუშვა, "სანდერლენდი" ფინალშია, ის "მანჩესტერ სიტის" დაუპირისპირდება.