Sky Sport-ის ესპანელი ფეხბურთის ექსპერტი, გულემ ბალაგი აცხადებს, რომ თავად მატასაც სურს ამ ტრანსფერის განხორციელება. "ვალენსიიდან" 23.5 მილიონ დოლარად გადმოსულმა ესპანელმა ჟოზე მოურინიოს გეგმებში ადგილი ვერ დაიმკვიდრა. მან ამ სეზონში მხოლოდ 90 წუთი დაჰყო მოედანზე.
ზემოთხსენებული ბალაგი აცხადებს რომ: ""მანჩესტერ იუნაიტედი" და "ჩელსი" აწარმოებენ მოლაპარაკებებს მატას მომავალთან დაკავშირებით. მთავარი ისაა, რომ თავად "არისტოკრატებიც" მოხარულები იქნებიან თუ მატა ოლდ ტრაფორდზე დაიდებს ბინას."
""ჩელსი" მატას სანაცვლოდ 32 მილიონს ან რუნის ითხოვს, ხოლო "იუნაიტედი" უარს აცხადებს ამ თანხაზე და რა თქმა უნდა რუნის ტრანსფერში ჩართვაზეც. მიუხედავად ყველაფრისა, მე მიმაჩნია, რომ შეთანხმება შედგება, რადგან ეს ტრანსფერი ორივე მხარეს სარგებელს მოუტანს."
""მანჩესტერელებს მაღალი დონის ფეხბურთელი სჭირდებათ, ხოლო მატას სათამაშო დრო. მოურინიოს მხრიდან კი ჭკვიანური ნაბიჯი იქნება, თუ ის მატას "იუნატედში" გაუშვებს, რადგან "წითელ ეშმაკებს" მომავალი მატჩები აქვთ ჩასატარებელი "არსენალთან" და "სიტისთან", ამ დროისთვის "არისტოკრატების" უპირობო კონკურენტებთან." დაასრულა ბალაგიმ.
Sky Sport-ის ბოლო ინფორმაციით, მხარეები შეთანხმებასთან ახლოს არიან. "არისტოკრატებმა" მატა საბოლოოდ 35 მილიონად შეაფასეს.