"მანჩესტერ იუნაიტედის" გამთამაშებელმა, ტომ ქლევერლიმ განაცხადა, რომ მისმა თანაგუნდელებმა არ უნდა გადადონ გვერდზე იარის მოშუშება და ახალი შემართებით მიიღონ "შავი კატები" ოლდ ტრაფორდზე.

"წითელმა ეშმაკუნებმა" კვირას გამართულ შეხვედრა დათმეს, ანგარიშით 3-1 და ახლა Capital One Cup-ის ნახევარ ფინალის განმეორებით მატჩისთვის ემზადებიან. "ჩელსისთან" მარცხმა გუნდი 6 ქულის სხვაობით (ჩემპიონთა ლიგის ზონიდან) და ნემანია ვიდიჩის გარეშე დატოვა. გუნდის კაპიტანმა წითელი ბარათი მიიღო ედენ აზადთან უხეშობისთვის და იგი სამი მატჩით იქნა დასჯილი. ეს იმას ნიშნავს, რომ ვიდიჩი გუნდს გამოაკლდება ხვალინდელ შეხვედაში, სადაც "იუნაიტედი" შინ უმასპინძლებს "სანდერლენდს" და ეცდება 2-1 სხვაობის აღმოფხვრას და ფინალში გასვლას, სადაც კარგ ფორმაში მყოფ თანაქალაქელების დამარცხება მოუწევთ.

მომავალ შეხვედრას გუნდი დიდი ალბათობით კვლავ დანაკლისებით შეხვდება. ალბათ ვერც რუნის და ვერც ვან პერსის ვიხილავთ ტრავმის გამო. მართალია მათ ვარჯიში განაახლეს, მაგრამ დევიდ მოიესი მათ ისევ დასვენების საშუალებას მისცემს. მართალია, ბოლო ხანებში დევიდ მოიესისთვის სასიხარულო არაფერი ისმის, მაგრამ ტომ ქლევერლი იმედს არ კარგავს და მტკიცედ სჯერა რომ მისი თანაგულდელები თავს არასოდეს დახრიან.

"იმედგაცრუებებს არ უნდა მივცეთ ჩვენი დაცემის შანსი." აცხადებს ქლევერლი Sky Sports-თან ინტერვიუში. "ჩვენ უნდა გავუგოთ ჩვენს ახალ მენეჯერს. როგორც ჩანს, მას ხშირად არ უმართლებს და ჩვენ არ ვაპირებთ მხოლოდ გრძნობების გამოხატვით შემოვიფარგლოთ. ჩვენ უნდა წამოვდგეთ და გამარჯვებების დათვლას შევუდგეთ, რომელიც "სანდერლენდთან" მატჩით დაიწება."

ქლევერლის ჯერაც არ დაუკარგავს იმედი იმისა, რომ მისი გუნდი კვლავ შეძლებს ჩემპიონობის შენარჩუნებას, მიუხედავად იმისა რომ "ეშმაკუნები" 14 ქულით ჩამორჩებიან ცხრილის სათავეში მყოფ "მეთოფეებს."

"შენ არასოდეს არ უნდა ჩამოწერო "იუნაიტედი" ჩემპიონობის კანდიდატებიდან." განაგრძობს ტომ ქლევერლი. "ეს კლუბი უფრო ცუდ სიატუაციაშიც ყოფილა, მაგრამ ყველაფრის მიუხედავად მაინც გამარჯვებულები გამოვდიოდით. ახლა ეს ძალიან რთული იქნება. ჩვენ ყოველი მატჩი უნდა მოვიგოთ დარჩენილ სეზონში, თუ გვინდა რომ ტიტული შევინარჩუნოთ, მაგრამ მე მაინც მჯერა რომ "იუნაიტედის" ჩამოწერა დაუფიქრებელი შეცდომაა."

წყარო: SkySPORTS