"იუნაიტედის" ლეგენდა როი კინი ფიქრობს, რომ მანჩესტერს ახალი ტრანსფერი და ძალა სჭირდება გასაძლიერებლად.
"პირადად მე ვფიქრობ, რომ "იუნაიტედის" წარუმატებლობა მოიესს არ უნდა დაბრალდეს. რა თქმა უნდა ბევრი შეცდომა დაუშვა, შეუცდომელი არავინაა, მაგრამ ამისთვის ყველა მზად უნდა ვყოფილიყავით. საქმე იმაში გახლავთ, რომ კლუბში არ არიან მაღალი დონის მოთამაშეები, როგორებიც ''იუნაიტედს'' სჭირდება და რომლებიც შეძლებენ გუნდის თამაშის გამწვავებას ისეთ მეტოქესთან, როგორიც ლონდონის "ჩელსია" - აცხადებს როი.
მან ასევე განცხადა, რომ შარშანდელთან შედარებით კლუბი არაფერია, რადგან ძალიან დასუსტებულია და წინააღმდეგობას ვეღარ უწევს გრანდებს.
"იუნაიტედი" შარშანდელთან შედარებით დაეცა და განადგურდა, ვეტერან ფეხბურთელებს უკვე აღარ შეუძლიათ ისეთ დონეზე თამაში, როგორც ადრე და ამიტომ კარიერას უკვე ასრულებენ, რაც შეეხება ახალგაზრდებს ისინი მზად არ არიან ისეთ დონეზე სათამაშოდ როგორიც ''იუნაიტედს'' შვენის. ვფიქრობ, წლევანდელ სეზონში ძალიან მომრავლებულია კლუბში ტრავმირებულების რიცხვი, ამიტომ ახალი მოთამაშეების შეძენის გარეშე "იუნაიტედი" ვერაფერს გახდება და ძალიან გაუჭირდებათ მათ ჩვეული სტილის აღდგენა." - დაასრულა კინმა.