ვალენსიამ "ჩელსისთან" მატჩის წინ შეხვედრის მნიშვნელობაზე, დევიდ მოიესზე და გუნდის სულისკვეთებაზე ისაუბრა. „გუნდში ყველა ფეხბურთელის მისწრაფება მაქსიმუმის გაკეთებაა. ჩვენ ჯერ კიდევ გვაქვს შანსი ლიგის თასზე, ჩემპიონთა ლიგის მატჩებიც წინ არის და ჩემი აზრით, არც პრემიერ ლიგის ტიტულისთვის ბრძოლა იქნება დასრულებული თუ „ჩელსის“ დავამარცხებთ. მატჩი „სტემფორდ ბრიჯზე“ ჩვენთვის ფინალივითაა, სრული ამ სიტყვის მნიშვნელობით. ამჯერადაც ისეთი ამბიციურები ვართ, როგორებიც ყოველთვის ვიყავით. გავიმეორებ, არ არის ადვილი ახალი მწვრთნელისთვის მოკლე დროში წარმატების მიღწევა მას შემდეგ, რაც ფერგიუსონმა გააკეთა. ყველა ჩვენგანს მოთმინება გვმართებს. მოიესი კარგი მწვრთნელია და დარწმუნებული ვარ, მალე ის გუნდის თამაშის სტილს გააუმჯობესებს. ჩვენს მიმართ მომართული კრიტიკა მოულოდნელი არ არის. „იუნაიტედი“ ის გუნდია, რომელიც ტიტულებს იგებს. გუნდი მზად არის ამ სირთულეებისთვის." - დაასრულა ვალენსიამ.