ესპანური გამოცემის, AS-ის თანახმად, ფაბიო კოენტრაომ "რეალის" ხელმძღვანელობას განუცხადა, რომ სურს "იუნაიტედში" არენდით გადასვლა. AS იუწყება, რომ ხუთშაბათს პორტუგალიელი ფეხბურთელი შეხვდა კარლო ანჩელოტის და "ოლდ ტრაფორდულ" გუნდში გადასვლის სურვილი გამოთქვა. იმის გათვალისწინებით, რომ ფაბიოს "რეალში" სათამაშო პრაქტიკა არ აქვს, ეს სრულიად რეალურია, მით უმეტეს, ზაფხულში მსოფლიოს ჩემპიონატი გაიმართება.
"რეალის" ხელმძღვანელობას არ სურს კოენტრაოს გაშვება. ისინი ეცდებიან შეინარჩუნონ მცველი. კარლო ანჩელოტიმ განაცხადა:"კოენტრაოს ფიზიკური ფორმა არაფრით განსხვავდება მარსელოს ფორმისგან. მას მიეცემა სათამაშო დრო "რეალში".