შინჯი კაგავა თანდათან ეჩვევა ინგლისურ პრემიერ ლიგას, თუმცა ირწმუნება, რომ მისი აკლიმატიზაცია ინგლისურ ფეხბურთში ჯერ არ დამთავრებულა.
იაპონელმა ფლეიმეიქერმა შესანიშნავად იასპარეზა "სუონსის" წინააღმდეგ მეორე ტაიმში, მას შემდეგ რაც ფლანგიდან ცენტრში გადაინაცვლა.
24 წლის ნახევარმცველი მეორე სეზონს ატარებს ინგლისურ ფეხბურთში და მისი განცხადებით ის უკვე ეჩვევა "პრემიერ ლიგას" სადაც დიდი ფიზიკური ძალაა საჭირო.
"მე ვფიქრობ ჯერ კიდევ შემიძლია ფიზიკურად გაძლიერება." - განუცხადა მან ოფიციალური საიტის იაპონურ გვერდს. "მე არ ვარ განსაკუთრებით მაღალი ან დიდი, ამიტომ მიწევს ბევრი მოძრაობა თამაშის განმავლობაში."
"ფიზიკურად სუსტი ფეხბურთელები "პრემიერ ლიგაში" იყენებენ თავიანთ სხეულს, რათა ადვილად გაძვრნენ მცველებს შორის, იგივეზე ვმუშაობ მე."
"მე ვიცი, რომ "პრემიერ ლიგა" არის ძალიან რთული ჩემპიონატი და საჭიროა ვიყო ფიზიკურად ძლიერი."
შინჯის ჰქონდა მცირე ჩავარდნა, თუმცა საერთო ჯამში მან კარგი შთაბეჭდილება დატოვა ახალ სამწვრთნელო შტაბში.
"ის ძალიან ჭკვიანი და კრეატიული ფეხბურთელია, შინჯი ძალიან ეხმარება ფეხბურთელებს მის გარშემო" - განაცხადა ასისტენტმა მენეჯერმა სტივ რაუნდმა.
"შენ ყოველთის შეგიძლია მისი პოვნა მოედანზე, ის სულ ითხოვს ბურთს და შესანიშნავად იწყებს შეტევებს. მისი კრეატიულობა უბრალოდ გასაოცარია."
"ის ძალიან კარგი ადამიანიცაა. მას კარგი იუმორის გრძნობა აქვს და ძალიან შრომისმოყვარეა. მასთან არადროს გვექმნება რაიმე სახის პორბლემა, რადგან შინჯი თავისი საქმის პროფესიონალია."
ახალი სამწვრთნელო ჯგუფის მოსვლის შემდეგ, გართულდა ვარჯიშებიც, თუმცა კაგავას განცხადებით, მას ძალიან მოსწონს ახალი სისტემა.
"ჩვენ ძალიან ბევრს ვმუშაობთ ინტენსიურად. ამ პერიოდში უამრავი მატჩი ჩავატარეთ და გვიწევდა ბევრი ვარჯიშის ჩატარება დროის მცირე მონაკვეთში. თუმცა მე ძალიან მომწონს ეს სესიები."- დაასრულა იაპონელმა.