ნემანია ვიდიჩმა Inside United-თან ჩაწერილ ინტერვიუში განაცხადა, რომ "მანჩესტერ იუნაიტედი" შედის სეზონის ყველა მნიშვნელოვან ფაზაში.

იანვრისა და თებერვლის განმავლობაში, წითლები შეეცდებიან პოზიცია გაიუმჯობესონ ცხრილში, ასევე მათ მოუწევთ "სანდერლენდის" დამარცხება "ლიგის თასის" ნახევარფინალში და დაუბრუნდებიან "ჩემპიონთა ლიგას", სადაც მათი მეტოქე "ოლიმპიაკოსი" იქნება.

"ჩვენ მომავალ თვეებში უნდა მოვიგოთ რაც შეიძლება მეტი და მხოლოდ მაშინ ვნახავთ ჩვენს შესაძლებლობებს. იანვრის ბოლოს და თებერვლის დასაწყისში ყველას ვანახებთ რა პოზიცია გვეკუთვნის და რისი გაკეთება შეგვიძლია "პრემიერ ლიგაში". შემდეგ, რა თქმა უნდა იწყება ჩემპიონთა ლიგა. ეს ძალიან მნიშვნელოვანი პერიოდია ჩვენთვის და ყველას გვინდა, რომ კარგად ვიასპარეზოთ."

ასევე ვიდიჩმა ისაუბრა, მიუხედავად მისი მკაცრი იმიჯისა, თუ რატომ არ არის ის გასახდელში ადამიანი, რომელიც სულ ჩხუბობს და ყვირის.

"აუცილებელია, რომ გუნდი შეკრული იყოს." - განაცხადა მან. "ეს მნიშვნელოვანია. თუ ცუდი შედეგები გაქვს, უნდა კონცენტრირდე უკეთეს თამაშზე. ეს უნდა გამოჩნდეს ვარჯიშზე და ქცევაში, შემდეგ კი მოედანზე. უნდა შეეცადო, რომ იყო მაგალითი ჯერ გასახდელში, შემდეგ მოედანზე."

"ჩვენ ძალიან იღბლიანები ვართ, რომ გვყავს ბევრი გამოცდილი ფეხბიურთელი, რომელსაც შეულძიათ სხვებს დაეხმარონ იმის მიღწევაში, რაც მათ სურთ."

ნემანიამ ასევე ისაუბრა მისი, როგორც კაპიტანის პასუხისლმგებლობაზე: "ფეხბურთი შეიცვალა, შეიცვალნენ თაობები. ახლა საჭიროა ყველას მაგალითი აჩვენო. შენ პატივი უნდა სცე მათ და თუ ასე იზამ, შენც მოიპოვებ მათგან პატივისცემას. შენ მათ მხარი უნდა დაუჭირო, დაელაპარაკო და გაამხნევო."

"მენეჯერი ძალიან კარგი პიროვნებაა და თავის საქმეს კარგად უძღვება, თუმცა შედეგები მხოლოდ მასზე არაა დამოკიდებული. ჩვენ ვართ ჯგუფი და ჯგუფის პასუხისმგებლობაა ამ სიტუაციის გამოსწორება."

წყარო: ManUtd.com