როგორც მოგეხსენებათ გუშინ, ციურიხში გაიმართა "ოქროს ბურთის" დაჯილდოება, რომლის გამარჯვებული გახდა "იუნაიტედის" ყოფილი ფეხბურთელი კრიშტიანო რონალდო. რიო ფერდინანდმა თავის ოფიციალური Facebook გვერდის საშუალებით ყოფილ თანაგუნდელს მიულოცა გამარჯვება და ერთად გატარებულ წლებზე ისაუბრა:
კრიშტიანო რონალდო - რა შემიძლია ვთქვა... შესანიშნავი მიღწევაა, შენით ვამაყობ ძმაო. კრიშტიანო ცოცხალი მაგალითია იმისა, რომ არ აქვს მნიშვნელობა როგორი ტალანტი გაქვს, მთავარია როგორ იშრომებ წარმატების მისაღწევად.
ჩემი პირველი შეხვედრა კრიშტიანოსთან იყო წინა-სასეზონო მეგობრულ მატჩში სპორტინგ ლისაბონის წინააღმდეგ. თამაშის შემდეგ, ფეხბურთელები აღფრთოვანებული ვიყავით მისით, ვცდილობდით დაგვერწმუნდებინა სერ ალექსი და კარლოს ქუეროზი, რომ ის ეყიდათ. მე არასდროს მინახავს ახალგაზრდა ფეხბურთელის ასეთი თამაში, მან ყველა გაგვაოცა. რამდენიმე დღის შემდეგ ის იუნაიტედის ფეხბურთელი იყო.
როცა რონის პორველად შევხვდი კარინგტონზე, ის ძალიან მონდომებული ჩანდა - ის იყო ბრილიანტი, რომელიც მზად იყო ყველანაირად ემუშავა იმისათვის, რომ ბოლომდე წარმოეჩინა თავისი პოტენციალი. ათასობით გატარებულმა საათმა მოედანზე და სავარჯიშო დარბაზში, ის სრულყოფილ ფეხბურთელად აქცია.
ნამდვილად გაკვირვებული ვარ, თუ როგორი მონდომებით ცდილობს ის მაღალ დონეზე დარჩენას, ეს მხოლოდ რონალდოს არ ეხება, იგივეს ვიტყვი მესიზეც. ძალიან სასიამოვნოა იმის ყურება, თუ როგორ ეჯიბრებიან ისინი ერთმანეთს ყოველ კვირა. ყოველთვის ვსვამ კითხვას: შეძლებდნენ ისინი ამდენი გოლის გატანას და რეკორდების მოხსნას ერთმანეთის გარეშე?
ჩვენ იღბლიანები ვართ, რომ მოვხვდით ისეთ ერაში სადაც ერთად თამაშობენ მესი და რონალდო, ასეთი რამ არავის არასდროს უნახავს.
ვივა რონალდო!
სიახლეები
4 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.