ფულემი აპირებს შეიძინოს "მანჩესტერ იუნაიტედის" ვინგერი, ლუიშ ნანი- წერს Metro.
ამ დღეებში გავრცელდა ინფორმაცია, რომ ლუიშ ნანის არენდით აყვანას აპირებდა ლისაბონის "სპორტინგი". თუმცა, ინგლისური კლუბი მის ყიდვას აპირებს.
რენე მალესტინი იანვარშივე შეეცდება, შეიძინოს 27 წლის გარემარბი. ეს იმ შემთხვევაში მოხდება, თუკი დევიდ მოიესი ჩათვლის, რომ ნანი "იუნაიტედში" ზედმეტია.
მალესტინმა მრავალი წელი იმუშავა ლუიშ ნანისთან ერთად და ძალიან კარგად იცნობს მის შესაძლებლობებს. შეგახსენებთ, რომ პორტუგალიელმა "იუნაიტედთან" ახალი 5 წლიანი კონტრაქტი გააფორმა, თუმცა დეკემბრის შემდეგ არ უთამაშია. ცნობილია, რომ ნანის ამ დროისთვის ტრამვა აწუხებს.