გასულ კვირას, როგორც გაირკვა დევიდ მოიესმა დართო ნება ანდერსონს, რომ გადასულიყო ოლდ ტრაფორდიდან სხვა კლუბში. ანდერსონმა ამ სეზონში სულ 2-ჯერ ითამაშა. ცნობისთვის ბრაზილიელს 2007 წლიდან 170 მატჩი აქვს მონაწილეობა მიღებული და 9 ბურთის გატანა მოახერხა. ანდერსონის შესახებ გავრცელდა ჭორები, რომ ის არენდით გადავიდოდა სხვა კლუბში, ან სამუდამოდ ფიორენტინაში. 25 წლისადმი ინტერესს ადასტურებს დანიელე პრადე, იტალიური კლუბის სპორტული დირექტორი. "ანდერსონი არის ის ფეხბურთელი, რომლის ტრანსფერსაც ჩვენ განვიხილავთ, თუმცა არიან სხვა ფეხბურთელებიც" - საუბრობს "Sky Sport Italia"-სთან პრადე. "ჩვენ არ ვიყიდით ფეხბურთელს იმისათვის, რომ უბრალოდ ვიყიდოთ. ამით მოგებული უნდა დარჩეს კლუბი." - საუბრობს სპორტული დირექტორი. "ფიორენტინას" მწვრთვნელმა დაამატა, რომ მათი მთავარი სამიზნე შემტევია ამ თვეში. "ჩვენ არ გაგვიმართლა, რადგან როსიმ მიიღო ტრამვა ასეთ პერიოდში. ძალიან ბევრი კარგი ფეხბურთელია ტრანსფერზე. ვინ არის საუკეთესო გარანტი გოლის გატანის ? ის ვინც გარანტიას მოგვცემს, რომ გაიტანს გოლს"- აცხადებს მონტელა "ფიორენტინას" მწვრთვნელი. "ჩვენი სატრანსფერო გეგმა ნათელია. ძალიან არ გაგვიმართლა ფორვარდებში, მაგრამ ჩვენ დაგეგმილი გვაქვს სხვა პოზიციის ფეხბურთელის ყიდვაც. ანდერსონი ძლიერი ფეხბურთელია, მაგრამ არ ვარ დარწმუნებული, რომ ის ჩვენთან გადმოვა" - დაასრულა ვინჩენცო მონტელამ.