"მანჩესტერ იუნაიტედის" ყოფილმა ფეხბურთელმა დუეით იორკმა განაცხადა, რომ მას ძალიან მოსწონს "იუნაიტედის" ახალგაზრდა ტალანტის ადნან იანუზაის თამაში, რომელმაც გუშინ დიდი წვლილი შეიტანა 3ქულის მოპოვებაში.

"ნახევარდაცვასა და თავდასხმაში თამაში ძალიან ძნელია და ამ პოზიციაზე მოთამაშე ფეხბურთელებს განსაკუთრებული ნიჭი მართებთ, ვფიქრობ ადნანს ეს ნიჭი გააჩნია.ჩვენ ყველანი ვხედავთ, თუ რა შეუძლია ამ ახალგაზრდა ტალანტს. დარწმუნებული ვარ, რომ იგი მალე მსოფლიო ფეხბურთის ვარსკვლავი იქნება."-განაცხადა იორკმა skysports.com-თან მიცემულ ინტერვიუში

"ადნანი ძალიან ნიჭიერი ფეხბურთელია, მას ძლიერი კონკურენტების წინააღმდეგ უწევს თამაში, რაც ადვილი არ არის, მაგრამ ეს ძალიან კარგია რადგან იგი გამოცდილებას იძენს.ვფიქრობ, სეზონის მეორე ნახევარშიც დევიდ მოიესი მას ძირითად შემადგენლობაში ათამაშებს."-დაასრულა დუეითმა

წყარო