"მანჩესტერ იუნაიტედის" ხელმძღვანელობა მზად არის გადაიხადოს 24 მილიონი ევრო "დორტმუნდის ბორუსიას" ნახევარმცველისთვის, ილკაი გიუნდოგანისთვის. "წითელი ეშმაკების" მთავარი მწვრთნელი, დევიდ მოიესი აღფრთოვანებულია 23 წლის გერმანელი ფეხბურთელის თამაშით და ეცდება მის ყიდვას უკვე მიმდინარე თვეში. თავის მხრივ, ილკაის ბუნდესლიგურ კლუბში აგვისტოს შემდეგ არ უთამაშია, რაც ზურგის ტრავმით არის გამოწვეული. ეს ყველაფერი მაინც არ აფერხებს "იუნაიტედის" დაინტერესებას ახალგაზრდა გერმანელისადმი.
არ არის გასაკვირი, რომ "იუნაიტედი" ეცდება აწარმოოს მოლაპარაკებები გიუნდოგანთან. მანჩესტერელების ნახევარდაცვა ყველაზე სუსტი რგოლია გუნდში. არც ერთი ნახევარმცველი არ არის კარგ ფორმაში. ამიტომ მოიესს აუცილებლად სჭირდება ამ პოზიციის გაძლიერება. ილკაის მიმდინარე კონტრაქტი "დორტმუნდის ბორუსიასთან" 18 თვით აკავშირებს. რა იქნება შემდეგ ჯერ-ჯერობით გაურკვეველია.