დევიდ მოიესი აცხადებს რომ ტრიბუნებზე სერ ალექსის ყოფნა არ ნიშნავს იმას, რომ იგი კვლავ ატტიურად მოღვაწეობს კლუბის საქმიანობაში. მას შემდეგ რაც ლეგენდარულმა შოტლანდიელმა ბარძაყის ოპერაცია წარმატებით გადაიტანა, იგი "იუნაიტედის" თითქმის ყოველ მატჩს ესწრება, იქნება ეს ოლდ ტრაფორდზე გამართული თუ გასვლითი შეხვედრა.
კრიტიკოსების აზრით, 72 წლის ფერგიუსონმა კლუბისგან თავი შორს უნდა დაიჭიროს, რადგან იგი პენსიაში გავიდა, დევიდ მოიესი ამ მოსაზრებას უგულებელყოფს და აცხადებს, რომ სერიოზულად არ თვლის კრიტიკას იმ ხალხისას, ვინც არ იცის რა ხდება სინამდვილეში.
"ეს ყოველივე გვიჩვენებს, რომ ხალხი არც იცნობს სერ ალექსს და არ მიცნობს მე." - აცხადებს მოიესი MUTV-სთან ინტერვიუში. "ხალხი ამას იმიტომ ამბობს, რომ წარმოდგენაც კი არ აქვთ მწვრთნელობის შესახებ."
"სერ ალექსი გამორჩეული ადამიანი. მისგან დიდი მხარდაჭერა იგრძნობა და ის ტრიბუნებზე მხოლოდ იმისთვისაა რომ დამეხმაროს. საჭიროებისამებრ, მე მასთან საუბრები მაქვს ხოლმე და ყოველი მატჩის შემდგომ სურვილი მაქვს 2-3 წუთით გავესაუბრო მას."
"იგივეს ვიტყოდი სერ ბობი ჩარლტონზე და ბრაიან რობსონზე. ამ კლუბის გარშემო მნიშვნელოვანი ხალხი ფიგურირებს და მე ვაფასებ მათ, რაც მთავარია კლუბის ყოფილ ფეხბურთელებთან ერთად."
"მაგრამ არიან ზოგიერთები, რომლებიც ზოგიერთ ფაქტს სხვანაირად აღიქვავენ და ცდილობენ ამაში პრობლემა დაინახონ. მე ამ ფაქტთან დაკავშირებით ვერანაირ პრობლემას ვხედავ." - დაასრულა მოიესმა.