ისედაც კრიზისში მყოფმა "მანჩესტერ იუნაიტედმა" კიდევ ერთი დარტყმა მიიღო უეინ რუნის ტრამვით. როგორც მოიესმა დაადასტურა, უეინ რუნი გაგზავნეს ეგვიპტეში, რათა შესაბამისად მიეხედათ მისი საზარდულის ტრამვისათვის და თბილ ჰავას გამოეკეთებინა იგი. შეგახსენებთ, რომ რუნიმ გამოტოვა რამდენიმე თამაში, ის გამოტოვებს "სუონსისთანაც" მატჩს, რათა ბოლომდე გამოკეთდეს.
რუნიმ გულშემატკივრებისთვის წერილი დაპოსტა სოციალურ ქსელში პარასკევს საღამოს, სადაც აღნიშნავს, რომ ის ყველანაირად ეცდება კლუბისა და განსაკუთრებით მოიესის დახმარებას.
"როგორც მენეჯერმა და ჩვენმა ექიმებმა განაცხადეს, ეგვიპტეში თბილ ჰაერზე ვარჯიში სასარგებლო აღმოჩნდა ჩემთვის და ძალიან დამეხმარა გამოჯანმრთელებაში. ტრავმაა არც ისე სერიოზული იყო და მე ამ პატარა ტკივილით თამაშს ვცდილობდი, მაგრამ ვერ შევძელი. სწორედ ამიტომ, მე ვერც ხვალ დავეხმარები კლუბს, თუმცა დარწმუნებული ვარ, რომ ბიჭები ყველაფერს გააკეთებენ საჭირო შედეგის მისაღებად. როგორც მე წინათ ვახსენე, ჩვენ წარმატების მიღწევაში ერთ-ერთ მთავარ როლს გულშემატკივარი თამაშობს, ისინი ჩვენ საკუთარი თავის რწმენას გვმატებენ. მე ძალიან მიხარია, რომ ფანები მუდმივად ჩვენს გვერდში დგანან. დარწმუნებული ვარ ისინი არც ხვალ მიგვატოვებენ და გაამხნევებენ, გვერდში დაუდგებიან მენეჯერსა და ჩემს თანაგუნდელებს თამაშის ბოლომდე."
საბედნიეროდ, რუნისა და პერსის დუეტი "ჩელსისთან" მატჩისთვის დაბრუნდება, რაც მოგებას მოწყურებული გუნდისა და მენეჯერისთვის დიდი სტიმულია.