"მანჩესტერ იუნაიტედის" ფორვარდმა რობინ ვან პერსიმ, რომელმაც ტრავმის გამო ბოლო ერთი თვე ვერ ითამაშა, განაახლა ვარჯიში.
30 წლის ჰოლანდიელმა, რომელმაც 16 მატჩში 10 გოლი გაიტანა, ბარძაყის ტრავმა მაშინ მიიღო, როდესაც ის კუთხურს აწვდიდა, ჩემპიონთა ლიგის მატჩზე, "შახტარის" წინააღმდეგ. შეგახსენებთ, რომ ის შეხვედრა "იუნაიტედის" სასარგებლოდ, ანგარიშით 1-0 დასრულდა.
პერსიმ ორი კვირა სამშობლოშიც გაატარა, სადაც მას "პსვ"-ს ფიზიკური მომზადების მწვრთნელი, არნო ფილიპსი ავარჯიშებდა. ხოლო ხუთშაბათს, რობინი შეამჩნიეს "კარინგტონის" სავარჯიშო ბაზაზე, სადაც ის ჯგუფთან ერთად ვარჯიშობდა.
"იუნაიტედი" სამწვრთნელო შტაბი არ გარისკავს და რობინს შაბათს გასამართ მატჩში, "სუონსის" წინააღმდეგ არ ათამაშებს. სავარაუდოდ რუნიც გამოტოვებს "გედებთან" თამაშს და ძალებს "სტემფორდ ბრიჯზე" გამგზავრებისთვის მოიკრებს. დიდი ალბათობით სწორედ "ჩელსის" წინააღმდეგ დაბრუნდება ეს ორი ფეხბურთელი.
წყარო:
http://fapl.ru