"მანჩესტერ იუნაიტედმა" აუცილებლად უნდა აიცილოს მეოთხე მარცხი შაბათს, "სუონსის" წინააღმდეგ. ჰარისონი, ახალგაზრდული კლუბის მწვრთვნელი თავის აზრს გამოთქვამს შექმნილ ვითარებაზე და მისი აზრით მოიესს აუცილებლად ჭირდება ფერგის დახმარება. მარცხი "სანდერლენდთან" პირველ მატჩში თასზე, 13 წლის შემდეგ პირველი აღმოჩნდა, როდესაც კლუბმა 3 თამაში ზედიზედ წააგო. "მე 100 პროცენტით მოიესისკენ ვარ. ყველაფერი მიდის ცუდისკენ, როდესაც ვუყურებ მას ტელევიზორში და ვხედავ მის სახეს ძალიან შეწუხებული ვარ." - განაცხადა ჰარისონმა "სქაისპორტთან" საუბრისას. "სერ ალექს აუცილებლად ექნებოდა საუბარი მოიესთან, თუმცა ვიცი, რომ ფერგიუსონს არასდროს უთქვამს მოიესისთვის, რომ ეს ესე უნდა გაეკთებინა. ჩემი აზრით ეს წყვილი ერთად ძალიან ბევრს გააკეთებს და მან აუცილებლად უნდა მოუსმინოს ყოფილ სპეციალისტს" - საუბრობს ჰარისონი. ერიკს ასევე სჯერა, რომ მოიესმა ძალიან დიდი შეცდომა დაუშვა, როდესაც გაწმინდა ფერგის სამწვრთვნელო შტაბი და მიიყვანა ახალი გუნდი. "მიმაჩნია, რომ ეს ძალიან დიდი შეცდომა იყო მოიესის მხრიდან. არ მინდა ვინმე გავაკრიტიკო, თუმცა გულახდილად რისი თქმაც მინდა ვამბობ იმას, როგორც ერთ-ერთი ყველაზე დიდი მხარდამჭერი "იუნაიტედისა" - დაასრულა ჰარისონმა.