ალექს ბიუტნერი გასაყიდი ფეხბურთელების სიაშია. ჰოლანდიელმა შეიძლება იანვარშივე დატოვოს კლუბი. თუმცა დანამდვილებით ჯერ არავინ იცის როდის დასრულდება მისი კარიერა "ოლდ ტრაფორდზე".

ისედაც დაღმავლობისკენ მიმავალი ჩემპიონები კიდევ ერთ კრიზისში გაეხვნენ და მათ საშინაო მატჩების წაგებებს უკვე დასასრული არ უჩანს.

მოხვდებიან წითლები "ჩემპიონთა ლიგაზე" მომავალ წელს? ეს საკითხი კიდევ უფრო ეჭვქვეშ დადგა მას შემდეგ, რაც "ეშმაკუნები" "მამლებთან" დამარცხდნენ.

გულშემატკივარი ცოტათი დამშვიდდებოდა, თუ მოიესი 10 წლის მოუგებელ "ინგლისის თასზე" წარმატებებს მიაღწევდა. "იუნაიტედის" ბოსი ამის შესახებ საკმაოდ ხმამაღალ განცხადებებსაც აკეთებდა და არც იმას მალავდა, რომ ტიტული სურდა, თუმცა მისი ბიჭები კიდევ ერთხელ დამარცხდნენ სახლში "სუონსის" წინააღმდეგ და პირველივე მატჩში გამოვარდნენ ჩემპიონატიდან.

ამდენმა საშინაო მარცხებმა კიდევ ერთხელ დაამტკიცეს, რომ რაღაცის შეცვლაა საჭირო. თუმცა ისტორიულად "იუნაიტედი" იანვრის ტრანსფერებზე მნიშვნელოვან ფეხბურთელებს არ ყიდულობს. თუ ახლაც იმავე განმეორდა, გულშემატკივარი უკვე ოთხეულში მოხვედრის იმედს დაკარგავს. რა გადაწყვეტილებას მიიღებს მოიესი?

თითქმის ყველა ადგილას კრიზისია გუნდში. მაგალითად პატრის ევრა უკვე ბერდება და ფორმიდანაა ამოვარდნილი, ის იმავეს ვეღარ აკეთებს რაც შეეძლო წლების წინ. მის შემცვლელად ბიუტნერი გამოვიდა, თუმცა მან გუნდს დიდი ვერაფერი სარგებელი მოუტანა.

ევრას ჩანაცვლებას ლეიტონ ბეინსითაც ცდილობდა მოიესი, თუმცა ვერაფერი გააწყო. ახლა კი, რადგან ბეინსის ტრანსფერი ჩაიშალა "საუთჰემპტონის" 18 ლუკ შოუთი ცდილობს.

მოიესი ფაბიო კოენტრაოს შეძენასაც ცდილობდა. თუმცა "რეალ მადრიდის" 25 წლის ტრანსფერის გეგმაც ჩაიშალა ზაფხულშივე.

დღესდღეობით კი ისევ უცნობია ვინ ჩაანცვლებს ევრას.


ბიუტნერი "იუნაიტედმა" £2.5 მილიონად იყიდა 2012 წლის ზაფხულს, ახლა კი მისი აყვანა არენდით "გალათასარაის" სურს. "გალათასარაის" გარდა ბიუტნერით "ტოტენჰემიც" დაინტერესდა. მაგრამ თავად ჰოლანდიელს არსად წასვლა არ უნდა და ყველა შემოთავაზებას უგულვებელყოფს.

"თუ ხალხი ჩემს პოზიციაზე სხვა ფეხბურთელს განიხილავს, ეს მე სრულიად არ მანაღვლებს. მე უბრალოდ ჩემი თამაშის თამაში მინდა და დამტკიცება იმისა, რომ მე შემიძლია ვიყო ის დონე, რაც თქვენ გჭირდებათ."-აცხადებს ბიუტნერი.

"მე ვიცი, რომ რამდენიმე კლუბს ჩემი შეძენა სურს, მაგრამ მე აქ ყოფნით ბედნიერი ვარ და "იუნაიტედში" მსურს თამაში, სწორედ ამიტომ მე აბსოლუტურად ჩემს კლუბზე ვარ კონცენტრირებული და მეტ არაფერზე."

"არ მინდა წასვლა. მე ჩემი ადგილისთვის ვიბრძოლებ. ჯერ კიდევ ახალგაზრდა ვარ და ვიცი რისი გაკეთებაც შემიძლია. მე უბრალოდ უნდა დაველოდო ჩემს შანსებს და შემდეგ გამოვიყენო ისინი."

ბიუტნერი დაეხმარა ჩიჩარიტოს გოლის შექმნაში "სუონსის" წინააღმდეგ, მაგრამ ის ალბათ არ გამოჩნდება "სანდერლენდის" წინააღმდეგ და ადგილს ისევ ევრას დაუთმობს. ჰონალდიელი ასევე მისი თამაშის მნიშვნელობაზე საუბრობს:

"ძალიან გამიხარდა, რომ ბოსმა თამაშის უფლება მომცა და ყველა მატჩში მსურს მონაწილეობის მიღება. თავიდან მეც და გუნდმაც ყველაფერი კარგად დავიწყეთ, მე უბრალოდ ცოტათი იმედგაცრუებული ვარ წაგებით, რადგან როცა იგებ სულ სხვა გრძნობა გეუფლება. მართალია ძალიან იმედგაცრუებული ვარ, მაგრამ მაინც ვფიქრობ რომ კარგად ვითამაშე."

"ძალიან რთული გადასატანია ჩემთვის ეს მარცხი. მე ვფიქრობ, რომ რაღაც-რაღაცები კარგად გავაკეთეთ, მაგრამ 10 კაცით თამაში არ არის მარტივი. კიდევ ერთხელ ვიმეორებ, რომ იმედგაცრუებული ვარ, მაგრამ ამან ჩვენ არ უნდა შეგვაჩეროს და შემდეგ თამაშზე უნდა მოვახდინოთ კონცენტრაცია."

"ხვალინდელი მატჩი ძალიან მნიშვნელოვანია, იმიტომ რომ ჩვენი ბევრი წავაგეთ, თუმცა მე ვფიქრობ, რომ ჩვენ კარგი ფეხბურთელები გვყავს."

"იმედგაცრუებული მარტო მე კი არა, თითოეული ჩვენთაგანია. მაგრამ ამ ეტაპზე ყველაზე მნიშვნელოვნად რაც მიმაჩნია ეს საკუთარი თავის რწმენა და ყველაფრის სწორედ გამოყენებაა მატჩის მსვლელობისას. თუ ჩვენ ბურთვისთვის ყოველ წამს ვიბრძოლებთ და არ გავუშვებთ შანსებს ხელიდან, ჩვენ მოვიგებთ თამაშებს."

"ჩვენ მოგება გვსურს, ჩვენ მოგება გვჭირდება. მე მესმის ფანების და ისიც მესმის, თუ როგორ გრძნობენ ისინი თავს, რადგან მათ მხოლოდ ჩვენი გამარჯვების ხილვა სურთ, ჩვენ კი პირიქით ვაგებთ. სწორედ ამიტომაც მე მესმის რატომ არიან ისინი ასე გაღიზიანებულნი."-დაასრულა ჰოლანდიელმა.

ManchesterEveningNews