"იუნაიტედი" "ინგლისის თასიდან" გამოვარდა საკუთარ მოედანზე "სუონსისთან" წაგების შემდეგ. ყველა იმედგაცრუებულია. ფლეტჩერი კი ასეთ განცხადებას აკეთებს:
"გასახდელ ოთახში იმედგაცრუება სუფევს. მოდით თავი არ მოვიტყუოთ და პირდაპირ ვთქვათ, რომ ეს საშინელი შედეგია. ჩვენთან ახლა ყველანაირ ტიპის ფეხბურთელს იხილავთ: გაბრაზებულს, გულნატკენს.. მაგრამ ეს მოიესის ბრალი არ არის ! ჩვენ გული გვტკივა იმიტომ რომ არა მარტო ფანებს გავუცრუეთ იმედი, არამედ ბოსსაც."
"მე პირველ ნახევარში ნამდვილად ვიფიქრე, რომ უფრო ძლიერები ვიყავით და ამის გათვალისწინებით ჩვენ მეორე ნახევრის დასაწყისშივე უნდა დაგვემთავრებინა ყველაფერი და დამაჯერებლად მოგვეგო თამაში, თუმცა ჩვენ ეს ვერ შევძელით. წითელი ბარათი კი მოწინააღმდეგისთვის სტიმულის მომცემი აღმოჩნდა. ისინი ბოლო ათი წუთის განმავლობაში უფრო გამოცოცხლდნენ, მიაღწიეს კიდევაც მიზანს და გაიტანეს გოლი, რომელმაც მათ გამარჯვება მოუტანა."
ფლეტჩერმა "იუნაიტედს" მოუწოდა, რომ მალე დაბრუნებულიყო თავისი დიდებით, თუნდაც მხოლოდ ფანებისა და მენეჯერის საპატივსაცემოდ:
"ჩვენი გულშემატკივრები ყველაფერს აკეთებენ ჩვენთვის, ყოველ წუთს მხარში გვიდგანან და , რადაც არ უნდა დაგვიჯდეს, ჩვენ მათ ეს უნდა დავუფასოთ. თითოეულმა ფეხბურთელმა უნდა დაინახოს მათი გვერდში დგომა, დაინახოს, რომ ფანები ჩვენს უკან არიან და როდესაც მინდორზე წარდგებიან ყველაფერი უნდა ჩადონ და დატოვონ იქ თუნდაც მხოლოდ ჩვენი წითელი არმიისთვის, ჩვენი მენეჯერისთვის და სამწრთვნელო შტაბისთვის. ეს რათქმაუნდა უმჯობესია მოხდეს რაც შეიძლება მალე. ჩვენ ჩვენი პატივისცემის დასამტკიცებლად კარგი შანსი გვაქვს სამშაბათს "სანდერლენდის" წინააღმდეგ და იმედი მაქვს ამ შანსს გამოვიყენებთ."-ასრულებს ფლეტჩერი.