ახალგაზრდა მცველმა ჩაატარა შესანიშნავი მატჩები და იყო გუნდის ერთ-ერთი წამყვანი ფიგურა, თუმცა საშობაო პერიოდში მან მიიღო ტრავმა. მიუხედავად იმისა, რომ "იუნაიტედი" აგრძელებს ბრძოლას ნახევარმცველების შესაძენად, ჯონსის ადგილი გუნდში შეუცვლელია.

"ფილ თავს უკეთესად გრძნობს" - განაცხადა მოიესმა. "ის ნელ-ნელა უბრუნდება მოედანს"

"ის ძალიან დიდ როლს თამაშობს გუნდში და სასიხარულოა მისი დაბრუნება, რაგდან მას სხვადასხვა პოზიციაზე შეუძლია ჩვენი დახმარება. ის მალე დაბრუნდება."

როცა მოიესს ტრანსფერების შესახებ ჰკითხეს მან განაცხადა, რომ უფრო ადვილი იქნებოდა სერიოზული ტრანსფერის სეზონის ბოლოს განხორციელება.

"მე ვფიქრობ, რომ ტრანსფერების უმრავლესობა განხორციელდება ზაფხულში და არა ზამთარში." - დაამატა მან. "თუმცა ჩვენ ვაგრძელებთ ფეხბურთელების ძიებას."

"ჩვენ ვფიქობთ, რომ დე როსი შესანიშნავი ფეხბურთელია და გვსურდა მისი ყიდვა ზაფხულის სატრანსფერო ფანჯრის დროს. თუმცა საქმე ბოლომდე ვერ მივიყვანეთ, ამაში ხელი მისი კონტრაქტის ერთ-ერთმა პუნქტმა შეგვიშალა. თუმცა არ მახსოვს ზუსტად რას ეხებოდა ეს."

"მე არ ვლაპარაკობ სხვა კლუბის ფეხბურთელებზე, ჩემი აზრით ეს არასწორია. თუმცა თქვენ დამისვით შეკითხვა და მე პირდაპირ გიპასუხეთ. მხოლოდ ამის თქმა შემიძლია."

ნახევარდაცვის გაძლიერების ერთ-ერთი ვარიანტი განათხოვრებული ნიკ პაუელის დაბრუნებაა, რომელიც ამჟამად არენდით "უიგანში" იმყოფება, თუმცა შოტლანდიელმა მწვრთნელმა ესეც გამორიცხა.

"ის "უიგანში" დარჩება" - დაადასტურა მოიესმა, როცა მას 19 წლის ტალანტის შესახებ ჰკითხეს.

წყარო: ManUtd.com