დევიდ მოიესი კბილებით იცავს ადნან იანუზაის და დაჟინებით აცხადებს, რომ ბოლო ყვითელი ბარათი ადნანმა უსამართლოდ მიიღო და ეს არ იყო სიმულაცია.



18 წლის წითელმა ეშმაკმა მიიღო მესამე ყვითელი ბარათი ამ სეზონში სიმულაციისთვის ახალი წლის დღეს "ტოტენჰემის" წინააღმდეგ გამართულ მატჩში.

ახლა იანუზაის არცთუ ისე კარგი სახელი აქვს "პრემიერ ლიგაში", რადგან ის მეორე ადგილზეა სიმულიანტებს შორის ბეილის შემდეგ. ასე თუ გაგრძელდება ადნანს კარგად არ წაუვა საქმე.

მაგრამ დევიდ მოიესი გრძნობს, რომ იანუზაის დაცვა და გვერდში დგომა სჭირდება და სწორედ ამას აკეთებს.

"მე ყოველთვის პირველი ვარ იმ ადამიანებს შორის, რომელიც გამოდის და ამბობს: ჩვენ არ გვეყოლება სიმულიანტი ფეხბურთელები. თუ ამის ირგვლივ რაიმე პრობლემა არსებობს, მე მას აუცილებლად გავუმკლავდები. მაგრამ ეს იმას არ ნიშნავს, რომ როცა ისინი მართალი არიან მე არ დავიცავ მათ. მე გავაკრიტიკე ჰოვარდ ვები, რადგან ის არასწორად მივიჩნიე."-განაცხადა მოიესმა "სუონსთან" მატჩის წინ.

მოიესი იმედოვნებს, რომ სიმულიანტის ეტიკეტი არ მიეკვრება ადნანს და არ იმოქმედებს ეს მის კარიერაზე. სიმულიანტებად მიიჩნეოდნენ ბეილი და "მანჩესტერის" ყოფილი ფეხბურთელი კრიშტიანუ რონალდუ, მაგრამ მათ ამ ნეგატიური დამოკიდებულებიდან თავის დაღწევა როგორღაც მოახერხეს.

და სანამ იანუზაი ყოველ თამაშში ვითარდება მოიესი მათ შორის მსგავსებებს ხედავს.

"ადნანი ძალიან ნიჭიერი ფეხბურთელია. მე ეჭვი არ მეპარება, რომ დროთა განმავლობაში ის ერთ-ერთი საუკეთესო ფეხბურთელი გახდება, რომელსაც გრძელვადიანი კარიერა ექნება და ვიმედოვნებ, რომ მისი კარიერა სწორედ "მანჩესტერ იუნაიტედში" გაგრძელდება."

"მე მახსოვს, რომ როცა კრიშტიანუ რონალდუ გამოჩნდა მასზეც ამგვარ რაღაცებს ამბობდნენ. რათქმაუნდა მე ერთი წუთითაც არ ვეცდები მათ შედარებას, იმიტომ რომ რონალდუ სულ სხვა დონეა. მაგრამ ჩვენი ბიჭი ჯერ მხოლოდ 18 წლისაა. ის ბევრს ისწავლის. ის მეტს გაიგებს თამაშის შესახებ."-აგრძელებს ბოსი.

იანუზაის შეუძლია იანგისგან აიღოს მაგალითი. ეშლიმ თვითონ აღმოაჩინა, რომ ის სიმულიანტია და ცდილობს კიდეც ამის გამოსწორებას. ალბათ სწორედ მისი ასეთი სახელის გამო გამოეპარა ჰოვარდ ვებს იანგისა და ლორისის ეპიზოდი. მოიესი კი ამაზე ამგვარ კომენტარს აკეთებს:

"შეცდა თუ არა ვები? ამაზე შედეგი მეტყველებს. იანგს ტრამვა აქვს და მე მისი გამოყენება არ შემიძლია შემდეგ რამდენიმე მატჩში. მე ისიც კი არ ვიცი რამდენი ხნით მიწევს მისი დათმობა. მაინც არ ვფიქრობ, რომ საჭიროა გავიმეორო ის რაც რამდენჯერმე ვთქვი, მაგრამ ჩემთვის ის ფაქტი, რომ პენალტი არ დაგვიდეს იმდენად დაუჯერებელია, რომ მაინც მიწევს ამის თქმა."



უეინ რუნიც შესაძლოა გამოაკლდეს გუნდს ამ შაბათ-კვირას, რადგან მას კვლავ აწუხებს საზარდულის ტრამვა. ასევე შეგახსენებთ, რომ გუნდს კიდევ აკლია რობინ ვან პერსი.



"რობინი უკეთაა, მაგრამ ჯერ კიდევ არ არის მზად. მე აუცილებლად შეგატყობინებთ თუ როდის შეძლებს ის თამაშს."



მოიესმა გადატვირთულ გრაფიკზეც ისაუბრა:

"ისინი მიიჩნევენ, რომ ეს სამართლიანია. ჩვენ ორივეს 48 საათი გვაქვს მოსამზადებლად. მათ თვალში ეს სამართლიანია ასე რომ მე ვერაფერს ვიტყვი."


ManchesterEveningNews.co.uk