ჯონი ევანსი ფიქრობს, რომ "იუნაიტედმა" საკმაოდ კარგად ითამაშა იმისათვის, რომ "ტოტენჰემი" საშინაო არენაზე დაემარცხებინათ. ირლანდიელი მცველის აზრით კლუბმა უნდა დაივიწყოს ეს მარცხი და გამარჯვების გზას დაუბრუნდეს.
"ვფიქრობ, რომ დღეს საკმაოდ კარგად ვითამაშეთ და როგორც მინიმუმ ქულა დავიმსახურეთ. ჩვენ მათზე ზეწოლას ვახდენდით, თუმცა ვერ შევძელით ბევრი საგოლე მომენტის შექმნა, თანაც ისინი ძალიან კარგად იცავდნენ თავს. მათი გოლები თამაშის ლოგიკაში არ ჯდებოდა. მათ გააკეთეს ორი კონტრშეტევა და ორი გოლი გაგვიტანეს. დიახ ჩვენ დამწუხრებულები ვართ, მაგრამ წინსვლა უნდა განვაგრძოთ. ახალი წელი უსიამოვნოდ დაიწყო, თუმცა ჩვენ წინ უნდა ვიყუროთ. ბოლო 6 მატჩში კარგად ვთამაშობდით და თამაშს ვაკონტროლებდით, ეს უნდა გავაგრძელოთ."
ამ მომენტისთვის "იუნაიტედი" მეშვიდე ადგილს იკავებს და ლიდერს 11 ქულით ჩამორჩება. გამაკვირვებელია, რომ "იუნაიტედი" გასვლაზე უფრო კარგად თამაშობს ვიდრე "ოლდ ტრაფორდზე". "ტოტენჰემთან" მატჩში კლუბი სახლში მეხუთედ დამარცხდა. "იუნაიტედმა" 34 ქულიდან 20 საგარეო არენებზე მოიპოვა.
"ამ სეზონში ჩვენ გასვლაზე უფრო კარგად ვთამაშობთ ვიდრე სახლში. ჩვენ ბალანსი უნდა შევინარჩუნოთ. ეს ძნელი ასახსნელია, "ტოტენჰემთან" მატჩში ჩვენ ძალიან ღიად ვთამაშობდით და მათაც ორ კონტშეტევაზე დაგვიჭირეს. ვფიქრობ ამან მათ დაეხმარა." - დაასრულა ჯონიმ.