35 წლის ინგლისელს, რიო ფერდინანდს, რომელიც გასულ წლებში გუნდის ლიდერი იყო, ამ სეზონში ვერ დაიკვეხნის ჩატარებული თამაშებით. ინგლისელს ამ დროის მანძილზე, მხოლოდ 7 მატჩის ჩატარება მოუწია პრემიერ ლიგაში.
რიოს კონტრაქტის სეზონის ბოლოს ეწურება და შესაძლოა, ამ დიდი ფეხბურთელი კარიერაც აქ დასრულდეს, ამ გიგანტ ფეხბურთელს თითქმის 14 წელი აქვს გატარებული ოლდ ტრაფორდზე.

თუმცა მოიესის აზრით, რიო-ვიდიჩის წყვილი კვლავ შედგება და ინგლისელი კვლავ მის გრძელვადიან გეგმებშია.
"რიოს ქონდა რამდენიმე ტრამვა, თუმცა ის კვლავ ჩვენს გეგმებშია." - განაცხადა შოტლანდიელმა სპეციალისტმა.
"ფერდინანდი-ვიდიჩის წყვილი თითქმის 10 წელს ითვლის და ეს წყვილი კვლავ მნიშვნელოვანია კლუბისთვის. ვაპირებ გავაგრძელო მათი დატვირთვა სეზონის განმავლობაში, თუმცა აუცილებელია მეტი სათამაშო დრო მიეცეთ ახალგაზრდებსაც. " - საუბრობს მოიესი.
მოიესის აზრით კლუბს ესაჭიროება განახლება, ეს განახლება კი ახალგაზრდა ფეხბურთელების თამაშში გამოიხატება, მისი აზრით სერ ალექს ფერგიუსონიც ასე იქცეოდა და მოიქცეოდა კიდევაც, რომ დარჩენილიყო კლუბში.
"ვფიქრობ, რომ სერ ალექსიც სწორედ ახლიდან აშენებდა კლუბს და მთელი ეს სამუშაო მიმდინარეობს. საბოლოო ჯამში კი, თუ ეს ყველაფერი არ გამოვა, შევეცდები ვიპოვოთ რაიმე ახალი." - დაასრულა დევიდ მოიესმა.

წყარო:"სქაისპორტი"