მოურინიოს კლუბს დღესდღეობით მესამე ადგილი უკავია "პრემიერ ლიგაში" და დღეს "საუთჰემპტონთან" უწევთ დაპირისპირება.

ჟოზეს სჯერა, რომ "პრემიერ ლიგის" ფავორიტი "მანჩესტერ სიტია", თუმცა ძალიან უფრთხის მოქმედ ჩემპიონებსაც. "იუნაიტედმა" ზედიზედ ექვსი თამაში მოიგო და ეს არცთუ ისე კარგია "არისტოკრატებისთვის".

"ტიტული ჯერ კიდევ "მანჩესტერ იუნაიტედს" ეკუთვნის. მე როგორც უკვე განვაცხადე, მაშინაც კი როცა ისინი ჩამორჩებოდნენ პირველ ადგილზე მყოფებს 10, თუ 15 ქულით "იუნაიტედი" "იუნაიტედად" რჩებოდა."-აცხადებს ჟოზე.

"ტრადიცია ძალიან დიდ როლს თამაშობს. სწორედ ამიტომაც ვუფრთხი მე მათ. "მანჩესტერ იუნაიტედი" აქ არის, ჩვენს ახლოს და ყველაფერს გააკეთებს იმისთვის, რომ ცხრილის სათავეში მოექცეს."-აგრძელებს მოურინიო.

"განსაკუთრებულმა" მწრთვნელმა ნახევარი სეზონი "მანჩესტერის" ცისფერი მხარის ფავორიტებად დასახელებაში გაატარა. ამასთანავე, ის ყოველთვის ამატებდა, რომ ეს ცინიზმი არ იყო.

როდესაც ჟოზეს ჰკითხეს, აპირებდა თუ არა ის "მანჩესტერ სიტისთვის" სიმშვიდის დარღვევას მან ასეთი პასუხი გასცა:

"თქვენ როგორ ფიქრობთ მე ეს შემიძლია? თქვენი აზრით, შემწევს ამის ძალა? შეხედეთ ცხრილს, შეხედეთ ფეხბურთელებს, შეხედეთ გოლების რაოდენობას და მათ ფორვარდებს.მე ვფიქრობ მათაც იციან, რომ სწორედ ისინი არიან ფავორიტები და თავს ჩემი წნეხის ქვეშ არ უნდა გრძნობდნენ."

"მაგრამ წინა წელთან შედარებით წელს ყველაფერი სხვაგვარადაა. გასულ სეზონში, ამ დროს ჩვენ 11-12 ქულით ჩამოვრჩებოდით ლიდერებს და ამიტომაც ყველაფერი უკვე დასრულებული იყო, მაგრამ წელს ჩვენსა და "არსენალს" შორის სხვაობა მხოლოდ ორი ქულაა, ამიტომ თამაში ისევ გრძელდება და ყველაფერი წინაა."-დაასულა "ჩელსის" თავკაცმა.

DailyStar.co.uk