"წითლების" სათადარიგოს, დენი უელბეკის მიერ მეორე ტაიმში გატანილმა გოლმა ჩემპიონებს მეექსვე წარმატებული გამარჯვება მოუტანა.
რამდენიმე კვირის წინ დევიდ მოიესის ბიჭები 13 ქულით ჩამორჩებოდნენ ამჟამინდელ ლიდერს "არსენალს", ახლა კი ხარვეზი ნელ-ნელა სწორდება და 8 ქულა გახდა.
პერსის გარეშე დარჩენილ "იუნაიტედს" უეინ რუნიც გამოაკლდა და გუნდს ძალიან გაუჭირდა თამაში, თუმცა "წითლებმა" გამარჯვების გზას მაინც მიაგნეს და წარმატებით დააგვირგვინეს ეს მატჩიც.
"ჩვენ ვიცოდით, რომ ეს არ იქნებოდა მარტივი და ეს ასეც აღმოჩნდა. ჩვენ არ ვიყავით მუდმივად შეტევაში, მაგრამ ძალიან იღბლიანები აღმოვჩნდით, როცა გავიტანეთ გოლი და მოვახერხეთ კიდევაც ანგარიშის შენარჩუნება."-აცხადებს ინგლისელი ვარსკვლავი ეშლი იანგი.
"ყველა ბოლომდე იბრძოდა, არავინ არაფერს თმობდა და ამგვარი მატჩის ყურება და თამაში მე დიდ სიამოვნებას მგვრიდა. მაგრამ იმედია არც არავინ ფიქრობდა, რომ ჩვენი ჩამოწერა ტიტულის ბრძოლიდან შეიძლებოდა. ახლა ჩვენ კიდევ უფრო მოტივირებულნი ვართ და ყველა დაინახავს როგორი სისწრაფით დავუბრუნდებით ცხრილის სათავეს."-დაასრულა ეშლიმ.
"მანჩესტერის" მეკარემ დავიდ დე ხეამ გუნდი გადაარჩინა ქულების დაკარგვას და თამაშის საუკეთესო მოთამაშეც გახდა. ის "იუნაიტედის" ერთ-ერთი მთავარი იარაღია.
მოიესმა გიგზი ჩაანაცვლა უელბეკით და ამან შეცვალა თამაში. სწორედ უელბეკმა გაიტანა გამარჯვების შესანიშნავი გოლი.
"სეზონის განმავლობაში შენ ისეთ დროსაც აუცილებლად მოგიწევს მატჩების ჩატარება, სადაც გუნდი არცთუ ისე კარგ ფორმაშია, ან აკლია რამდენიმე მნიშვნელოვანი ფეხბურთელი, მაგრამ შენ მაინც უნდა მიაღწიო სასურველ შედეგს. სწორედ ამიტომაც, ეს თამაში ჩვენთვის ძალიან კარგი იყო, რადგან დიდებული წარმოდგენის გარეშე მოვახერხეთ 3 ქულის მოპოვება."-აცხადებს დენი უელბეკი.
"თავიდან რიკოშეტი იყო ჩემი გოლის დროს, მაგრამ საბედნიეროდ, ბურთი ფეხებთან მომივიდა და მოვახერხე გატანა. რა ვიგრძენი მაშინ? როდესაც მე აღმოვჩნდი ერთი ერთზე მეკარესთან ვიცოდი, რომ აუცილებლად უნდა გამეტანა, რადგან თუ მე ამ მომენტს გავაფუჭებდი ეს შეიძლება გუნდისთვის სავალალო აღმოჩენილიყო."-ამატებს უელბეკი.
"ეს ჩვენთვის ძალიან მნიშვნელოვანი გამარჯვება იყო, რადგან მოგვიხდა ორი მატჩის ჩატარება სამ დღეში. მაგრამ ახლა ჩვენ უფრო მოტივირებულნი ვართ და გავაკეთებთ მეტს! "-დაასრულა ინგლისელმა.
ზედიზედ ორი საგარეო მატჩის მოგების შემდეგ "ნორვიჩთან" და "ჰალთან", "იუნაიტედი" ახლა ძალიან კარგ ფორმაშია "ტოტენჰემთან" მატჩისთვის და "ოლდ ტრაფორდიც" მოუთმენლად ელის ლონდონელებს ახალი წლის დღეს და ალბათ საჩუქარსაც დაახვედრებს უეინ რუნის დაბრუნებით.