"იუნაიტედის" გულშემატკივრებს საშუალება ჰქონდათ "ტვიტერის" საშუალებით კითხვები დაესვათ ანტონიო ვალენისასთვის.

ყველაზე მეტად რა მოგწონს ყოველდღიურ ვარჯიშში?

ეს არის "კვადრატი" [შუაში მყოფი ორი ფეხბურთელი ცდილობს ბურთი აართვას გარშემო მდგომებს]. მე ძალიან მიყვარს ეს ვარჯიში.

ვინ არის ამ ვარჯიშში საუკეთესო?

მე, რადგან არასდროს ვრჩები შუაში, სწორედ ამიტომ მიყვარს ეს ვარჯიში. ამაში საუკეთესო ვარ.

რამდენად ხშირად ვარჯიშობ შორ გადაცემებს?

ყოველდღე. ამ კომპონენტის გაუმჯობესებას ძალიან ბევრ დროს ვუთმობ, როდესაც ვარჯიში მთავრდება მე, დევიდ დე ჰეა და რამდენიმე ფეხბურთელი ვაგრძელებთ გადაცემებზე ვარჯიშს. ძალიან მომწონს ამის კეთება.

ვინ არის საუკეთესო ფეხბურთელი, ვისთანაც ოდესმე გიმუშავია?

მე დავასახელებდი "იუნაიტედის" ყველა ფეხბურთელს. შემიძლია ასევე ბევრი გითხრათ ნაკრებიდან, თუმცა მათგან ორს გამოვარჩევ. ალეხანდრო კასტილიო, ყოფილი "ევერტონის" ფეხბურთელი და ჩემი დიდი მეგობარი კრისტიან ბენიტესი, რომელიც სამწუხაროდ ჩვენთან აღარ არის.

რომელი გაიმარჯვებდა სპრინტში, შენ თუ უსიან ბოლტი?

[იცინის]. არა მგონია დედამიწაზე ვინმეს შეეძლოს მისი დამარცხება. ალბათ ის იქნებოდა გამარჯვებული.

რა არის შენთვის ყველაზე დასამახსოვრებელი მომენტი კლუბში?

ეს არის ლიგის მოგება 2011 და 2013 წლებში. ეს ერთ-ერთი საუკეთესო გრძნობაა, რაც ოდესმა გამომიცდია. მე ფანტასტიურად ვგრძნობდი თავს, როდესაც კისერზე მედალი მეკიდა. ვიმედოვნებ კიდევ ბევრჯერ მოვახერხებ ამ გრძნობის გამოცდას.

წყარო: Manutd.com