ახალგაზრდა ინგლისელი, რომელიც "უიგანის" შემადგნელობაში სულ მალე 24-ე მატჩს ჩაატარებს, მშვენიერ შთაბეჭდილებას ტოვებს ევროპის ლიგასა და ინგლისის მეორე დივიზიონ "ჩემპიონშიპში". მან ამ ტურნირებზე 8 გოლის გატანა უკვე მოახერხა. 19 წლის ნახევარმცველი, რომელსაც თავდასხმაშიც მშვენივრად გამოსდის მოქმედება, შესაძლოა სულ მალე ოლდ ტრაფორდზე დაბრუნდეს. ამასთან დაკავშირებით მისი ამჟამინდელი ბოსი, როსლერი და დევიდ მოიესი მოლაპარაკებებს მართავენ.

"მე ველაპარაკე დევიდს და როგორც ჩანს სიახლე ჯერ არ არის. ორშაბათს ან ოთხშაბათს ჩვენ საბოლოო დასკვნამდე მივალთ და ყველას გვეცოდინება ამ თემაზე პასუხი, დაბრუნდება ნიკი მანჩესტერში თუ სეზონის ბოლომდე დაიცავს "უიგანის" ღირსებას. ნიკი ნამდვილი ნიჭის მქონდე ფეხბურთელია და მე გამიხარდება თუ იგი ჩვენთან დარჩება." - აცხადებს როსლერი ინტერვიუში, რომელიც ჩაიწერა კვირას, "უიგანი" 0:0 "ბარნლი" მატჩის შემდეგ.

ამასთანავე ისიც უნდა აღინიშნოს, რომ ნიკ პაუელით პრემიერ ლიგის გუნდები (ევერტონი, ჰალ სიტი, სუონსი) ინტერესდებიან, რაც მის უმაღლეს ლიგაში დაბრუნებას კიდევ უფრო რეალურს ხდის. მას შემდეგ რაც ნიკი "იუნაიტედს" შეურთდა მან მხოლოდ 6 მატჩში მიიღო მონაწილეობა და ახლანდელი ბოსი, დევიდ მოიესი სულ მალე გადაწყვეტს მის ბედს, თუ რომელი გუნდის მაისური ეცმევა ახალგაზრდა ტალანტს მაისის ბოლომდე.

ამ დროისთვის "ჰალ სიტი" ლიდერობს მისი არენდით გადმობირებაში, მაგრამ "ვეფხვების" მწვრთნელმა, სტივ ბრიუსმა რამენაირად უნდა გადაწყვიტოს მის გუნდში არენდით მყოფი ჯეიკ ლივერმორის და დენი გრემის ბედი, ვინაიდან პრემიერ ლიგის გუნდებს აქვთ უფლება არენდით მხოლოდ 2 ფეხბურთელი ჰყავდეთ გუნდში.

წყარო: SkySPORTS